Լռելն այսօր բացարձակապես վայել չէ զինվորականի պատվին. Արցախի մշակույթի նախկին նախարարը տարակուսած է
Արցախի հանրապետության հասարակական, քաղաքական շրջանակները եւս տարակուսած են զինվորական ուղի անցած անձանց լռությամբ, որ չեն արձագանքում ազատագրական պայքարը վարկաբեկող, արցախցու դերը նսեմացնող գործող իշխանավորների հայտարարություններին։
«Զարմանալի չէ Հայաստանի բարձրաստիճան պաշտոնյաների մոտեցումը, որովհետև այդ քայլերն իրականացվում ենգործող իշխանությունների քաղաքականության շրջանակներում ու միտված է արցախցիների հանդեպ հատուկ բացսական վերաբերմունք ձևավորելուն»,- «Փաստինֆո»-ի հետ զրույցում ասաց Արցախի Հանրապետության մշակույթի նախկին նախարար Սերգեյ Շահվերդյանը։ Փոխարենը, նրա խոսքերով, զարմանալին այն է, որ Արցախի ՊԲ-ի 2023թ-ին պատասխանատու պաշտոններ զբաղեցրած զինվորականների լռությունը։
«Ոչ մի պաշտոնյա չի խոսում, չի ժխտում Հայաստանի իշխանավորների ասածները։ Իմ խոսքերը միայն ՊԲ վերջին հրամանատար Կամո Վարդանյանին չի վերաբերվում, այլ նաեւ նրա տեղակալներին», - ասաց նախկին նախարարը։
Նրա գնահատմամբ՝ նման պահվածքը հարիր չէ պատերազմի բովով անցած անձանց։ «Լռելն այսօր բացարձակապես վայել չէ զինվորականի պատվին, վայել չէ պատերազմի բովով անցած մարդուն, անհարգալից վերաբերմունք է պատերազմում զոհված նահատակների հիշատակի հանդեպ։ Ինձ համար անընդունելի է կաշկանդվածության որևէ գործոն, պատրվակ, որի պատճառով կարող են իրենք լռել։ Երբ քո երեսին ուղղակի շպրտում են հանիրավի մեղադրանքներ, դու որքան էլ կաշտկանդված լինես օրվա ծառայությամբ կամ այլ խնդրով, ապա լռություն պահպանելով հարգանքը ոչ միայն նվազում է, այլեւ կորչում իսպառ»,- արձանագրեց Շահվերդյանը՝ ավելացնելով. «կաշկանվածություն բոլորս էլ ունենք, հիմա թույլ տանք, որ արցախցիներին վիարավորե՞ն, լռե՞նք։ Ինչպե՞ս է կռվել, արցախցի զինվորը լա՞վ է կռվել, թե՞ վատ, ի՞նչ պայմաններում է կռվել, ով մենակ թողեց, ինչի՞ գնով հրադադարը որոշվեց, ողջ ինֆորմացիային տիրապետողն իրենք են ու լռում են», - ասաց արցախցի նախկին պաշտոնյան։
Հետևեք մեզ Viber-ում
