Լեռնային Ղարաբաղի հակամարտության լուծման ինչ տարբերակի կոմնակից է Բրազիլիան

«Լեռնային Ղարաբաղի հակամարտությունը պետք է լուծվի ԵԱՀԿ Մինսկի խմբի համանախագահների շրջանակում` հրադադարի պահպանմամբ:Մեր դիրքորոշումը հստակ է` Բրազիլիան խաղաղասեր երկիր է, որը քարոզում է խաղաղ, միջազգային իրավունքների շրջանակում կարգավորում: Մասնավորապես, Լեռնային Ղարաբաղի հակամարտության վերաբերյալ մենք կարծում ենք, որ հարցը պետք է լուծվի ԵԱՀԿ Մինսկի խմբի համանախագահների շրջանակում և պետք է պահպանվի հրադադարը` հասնելու համար վերջնական խաղաղության», - այս մասին այսօր ՀՀ ԱԳ նախարար Էդվարդ Նալբանդյանի հետ համատեղ ասուլիսում ասաց Բրազիլիայի արտաքին հարաբերությունների նախարար Ալոիզիո Նունես Ֆերեիրան: Մինչ երկու երկրների արտգործնախարարների ասուլիսը,Հայաստանի և Բրազիլիայի կառավարությունների միջև ստորագրվել է առևտրային և ներդրումային համագործակցության մասին հուշագիր,  հայտարարեց ՀՀ արտգործնախարար Էդվարդ Նալբանդյանը: «Դիվանագիտական հարաբերությունների 25 տարվա ընթացքում Հայաստանի և Բրազիլիայի միջև ստորագրվել է 10 փաստաթուղթ, որոնցից 7-ը` վերջին երկու տարվա ընթացքում: 2 տարի առաջ Հայաստանի և Բրազիլիայի միջև մուտքի արտոնագրային ռեժիմի ազատականացումը համագործակցության նոր ու լայն հանարավորություններ կընձեռի երկու երկրների ժողովուրդներին:Այսօր Բրազիլիայի արտաքին հարաբերությունների նախարարը կհանդիպի ՀՀ նախագահի հետ  », - ասաց Էդվարդ Նալբանդյանը: