Ձերբակալված արքայազններին առաջարկել են գնել իրենց ազատությունը/տեսաշար/

Financial Times պարբերականի փոխանցմամբ, Սաուդյան Արաբիայի իշխանություններն առաջարկել են արքայազններին ու նախկին նախարարներին, ովքեր ձերբակալվել են կոռուպցիայի կասկածանքով, վճարել սեփական ազատության համար:Հիշեցնենք,որ  ձերբակալվածների թվում են բազմաթիվ հարուստ մարդիկ ոչ միայն թագավորությունից, այլև ողջ աշխարհից, օրինակ Forbes-ի ցուցակում 22-րդ տեղը զբաղեցնող թագավորի զարմիկ Ալ-Վալիդ իբն Թալալ Ալ Սաուդը։ Պարբերականի տվյալներով՝ շատ ձերբակալվածներ պատրաստ են գործարքի գնալու իշխանությունների հետ, չնայած այն բանին, որ նրանց «բանտը» Էր Ռիադի Ritz-Carlton հյուրանոցն է։ Վճարից զատ, կա ազատ արձակման ևս մեկ պայման. ազատություն ստացած բոլոր անձիք պետք է պարտադիր կերպով հավատարմության երդում տան գահաժառանգ արքայազն Մուհամմադ բեն Սալման Ալ Սաուդին, ով էլ դարձել է հակակոռուպցիոն արշավի նախաձեռնող։ Ինչպես արդեն տեղեկացրել ենք, կոռուպցիայի մեղադրանքով 11 սաուդյան արքայազն ձերբակալվել է։ Սակայն նրանք պաշտոնական մեղադրանքների առաջադրմանը սպասում են ոչ թե սովորական բանտում, այլ Էր Ռիադի The Ritz-Carlton հյուրանոցում, որտեղից տարհանել են անձնակազմին և հյուրերին: Իսկ նրանց սենյակները, որտեղ նախկինում հյուրընկալվել են Բարաք Օբաման, Դոնալդ Թրամփը և այլ առաջնորդներ, համալրված են լողավազանով, սպա սրահով, ռեստորանով և բոուլինգով: Հյուրանոցից դուրս գալ նրանց արգելվում է, հայտնում է tatler.ru-ն։ Ձերբակալված արքայազնները տեավորվել են համարներում, իսկ սպասասրահում հսկում են զինված ոստիկանները։