Թրամփը հաստատակամ է

ԱՄՆ նախագահ Դոնալդ Թրամփը Truth Social սոցիալական ցանցում հանդես է եկել հօգուտ՝ Կանադայից ներմուծվող ապրանքների համար 25% մաքսատուրքին՝ ասելով, որ ԱՄՆ-ին «նրանց ունեցածից ոչինչ պետք չէ»:

Քաղաքական գործիչը նշել է, որ Միացյալ Նահանգները ոչ մի պատճառ չունի հարյուրավոր միլիարդ դոլար վճարելու Կանադային սուբսիդավորելու համար:

«Մեզ պետք չէ այն, ինչ նրանք ունեն։ Մենք անսահմանափակ քանակությամբ էներգիա ունենք, մենք պետք է ինքներս մեքենաներ պատրաստենք, մենք ավելի շատ փայտ ունենք, քան երբեւէ կկարողանանք օգտագործել:

Առանց այս հսկայական սուբսիդիաների, Կանադան կդադարի գոյություն ունենալ որպես կենսունակ երկիր: Դաժան է, բայց փաստ է։ Ուստի, Կանադան պետք է դառնա մեր սիրելի 51-րդ նահանգը: Շատ ավելի ցածր հարկեր և չափազանց լավ ռազմական պաշտպանություն Կանադայի ժողովրդի համար. ԵՎ ՈՉ ՄԻ ՄԱՔՍԱՏՈՒՐՔ»,- գրել է նա։