Եվրամիությունը քաղաքական ճնշում է գործադրում Հունգարիայի վրա. Սիյարտո
Հունգարիան չի պատրաստվում դուրս գալ Եվրամիության կազմից, բայց պատրաստվում է մասնակցել քննարկումներին այն մասին, թե ինչպիսին պետք է լինի համայնքը ապագայում: Այդ մասին հայտարարել է երկրի արտաքին գործերի նախարար Պետեր Սիյարտոն։
Միևնույն ժամանակ, նա դժգոհել է, որ Եվրամիությունը «երկակի ստանդարտներ և երեսպաշտություն է դրսևորում»:
«Բրյուսելը, որտեղ գերակշռում են առաջադեմ ուժերը, պարզապես չի կարող մարսել, որ հաջողակ պահպանողական և հայրենասիրական կառավարությունը կարող է այդքան երկար գոյություն ունենալ: ԵՄ-ն մեր դեմ ֆինանսական պատժամիջոցներ է սահմանել և քաղաքական ճնշում գործադրել մեզ վրա»,- հավելել է Սիյարտոն:
Նրա խոսքով՝ անհրաժեշտ է ամեն ինչ անել անօրինական ներգաղթին վերջ տալու համար, որը հսկայական սպառնալիք է անվտանգության համար:
Հետևեք մեզ Viber-ում
