Մինսկի խումբը ենթակա է վերացման․ Զախարովայի վտանգավոր հայտարարությունը (video)
ԵԱՀԿ Մինսկի խումբը դադարեցրել է իր գործունեությունը 2022թ.-ին. ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Նրա խոսքով, Մինսկի խումբը դադարեցրել է իր գործունեությունը հենց ֆրանսիացի և ամերիկացի համանախագահների մեղքով։
«Չնայած իրենց ներկայիս մանդատին, նրանք հրաժարվեցին կապ հաստատել ռուս համանախագահի հետ առանց խորհրդակցությունների, հաղորդակցության: Նրանք երբեք խորհրդակցություններ չեն անցկացրել ԵԱՀԿ-ի շրջանակներում, պարզապես հրաժարվել են կապ հաստատել ռուս համանախագահի հետ և չեղարկել նախապես ծրագրված բոլոր միջոցառումները։ Իսկ ավելի ուշ՝ 2022 թվականին Պրահայում Հայաստանի, Ադրբեջանի, Ֆրանսիայի ղեկավարների և ԵՄ ներկայացուցչի համատեղ հայտարարություն ընդունվեց։
Եվ այս ամենը բերեց նրան, որ Մինսկի խումբը պարզապես կորցրեց իր գործունեության իմաստը։ Սա այն է, ինչից մենք պետք է ելնենք»,-ասել է նա: