Փաշինյանը՝ «կոպեկ առ կոպեկ» թալանը հետ բերելու մասին
Պետությունից գողացվածը վերադարձնել․ այո, այդպիսի օրակարգ եղել է և կա, բայց եկեք պատկերացնենք այդ պրոցեսի արդեն գործնական պահը, ինչպե՞ս է վերադարձվում։ Այս մասին այսօրվա ասուլիսում ասաց Նիկոլ Փաշինյանն՝ անդրադառնալով իր նախընտրական խոստումներից մեկին՝ կոպեկ առ կոպեկ վերադարձնել թալանվածը ։
«Այսինքն, մենք բոլորով կամ մեզանից ինչ-որ մեկը գնում է ինչ-որ տեղ, գողացվածը վերցնում է և բերում, դնում է երկրորդ տեղ՝ պետական գանձարան, կամ պետբյուջե։ Այս թեզը գոյության իրավունք ունի։ Հիմա հարց՝ այդ գողացվածը մի տեղում դրավա՞ծ է, մենք գիտե՞նք դրա տեղը։ Սա գործնականում իրականանալի կլինի, եթե գողացվածը մի տեղ դրված լինի, ման գանք, հասցեն գտնենք ու «ֆուռեր»-ի շարասյուներով գնանք ՝ բարձենք, բերենք Հանրապետության Հրապարակ կամ ԿԲ, ու հայտարարում ենք, որ գողացվածը հետ ենք բերել»,-մեկնաբանեց Փաշինյանը։
Փաշինյանը նշեց, որ դա տեղի չի ունենում պարզ պատճառ ով, գողացվածը մի տեղում չի։
«Գողացվածը հարյուրավոր տեղերում է։ Ենթադրենք՝ 2018 թվականից բոլոր տեղերի հետևից հերթով գնացել ենք, մինչև հիմա այդ բոլոր գողացվածը հետ բերված չէր լինի։ Ամեն տեղ տարբեր չափերով են, մի տեղ 100 000 դոլար է, մի տեղ՝ 10 մլն դոլար է, մի տեղ 15 մլն դոլար է՝ 10 տեղ կիսած է ։ Հետևաբար, այդ ամենը հետ բերելու համար մեզ անհրաժեշտ էր ձևավորել համակարգ և զուգահեռ տեղորոշել, թե որտեղ է գտնվում այդ գողացվածը»։
Նա ընդգծեց, որ այդ երկու քայլերը պետության կողմից իրականացվել են.«Ապօրինի գույքի բռնագանձման և պետական շահերով ու համայնքային շարհեով դատական գործընթացիների մասին ես հատիկ առ հատիկ ներկայացնում եմ արդեն իսկ դատավճիռներով հիմնավորված և պետությանն ի սեփականություն վերադարձված գույքերը։ Ես ներկայացնում եմ այն գույքերը, որոնք արդեն իսկ օրինական ուժի մեջ մտած վճռով արդեն իսկ ամրագրվել են պետությանը կամ համայնքին»։
Աղբյուր` Փաստինֆո