ՍԴ-ին նոր լիազություն է տրվում
Կառավարությունն այսօր՝ նոյեմբերի 16-ի իր նիստում հավանություն է տվել «Սահմանադրական դատարանի մասին» ՀՀ սահմանադրական օրենքի, «Պետական պաշտոններ զբաղեցրած անձանց սոցիալական երաշխիքների մասին» եւ հարակից այլ օրենքներում փոփոխություններ եւ լրացումներ կատարելու մասին ՀՀ օրենքների նախագծերի փաթեթի վերաբերյալ կառավարության օրենսդրական նախաձեռնությանը: Առաջարկվող փոփոխություններով կապահովվի Սահմանադրական դատարանի՝ որպես սահմանադրական վերահսկողության մասնագիտացված մարմնի, արդյունավետ գործունեությունը, կհստակեցվեն ՍԴ դատավորին ներկայացվող պահանջները, կստեղծվեն բավարար իրավական նախադրյալներ ժողովրդավարության ամրապնդման համար, իրավական համակարգում հնարավորինս կկանխարգելվեն եւ կբացառվեն հակասահմանադրական իրավիճակները: Օրինագծերով, մասնավորապես, սահմանվում են ՍԴ դատավորին ներկայացվող պահանջները, կարգավորվում են նրա գործառութային անձեռնմխելիության հետ կապված հարաբերությունները, սահմանվում են Սահմանադրական դատարանի որոշման հիման վրա ՍԴ դատավորի լիազորությունների դադարեցման հիմքերը: Առաջին անգամ առաջարկվում է ՍԴ-ին վերապահել սահմանադրական մարմինների միջեւ նրանց սահմանադրական լիազորությունների վերաբերյալ վեճերի լուծման լիազորություն:
Հետևեք մեզ Viber-ում
