Կառավարությունը հարկային արտոնություն տվեց

ՀՀ կառավարությունը «Երևանի ՋԷԿ» ՓԲԸ-ի կողմից ապրանքների ներմուծման դեպքում մաքսային և հարկային մարմինների կողմից հաշվարկված ավելացված արժեքի հարկի գումարների վճարման ժամկետը երեք տարի ժամկետով կհետաձգվի: «Երևանի ՋԷԿ»-ի համակցված շոգեգազային ցիկլով էներգաբլոկը գործարկվել և առևտրային շահագործմանն է հանձնվել 2010 թ.-ին և մինչ օրս աշխատում է շարունակական բեռի բազիսի ռեժիմում և կանգնեցվում է տարեկան մեկ անգամ արտադրողների կողմից սահմանված տարեկան ընթացիկ նորոգումների նպատակով: Ըստ նախագծի հիմնավորման, ներդրումային ծրագրի շրջանակում ընկերության նպատակն է համակցված շոգեգազային ցիկլով էներգաբլոկը վերազինել, որի արդյունքում կբարելավվեն հետևյալ ցուցանիշները. ա) 220 ՄՎտ-ից այն կդառնա 227 ՄՎտ, որը կկրճատի վառելիքի տեսակարար ծախսերը՝ 258,1 գր/կվտժ-ից 252,8 գր/կվտժ, բ) էներգաբլոկի ՕԳԳ-ի բարձրացում 1%-ով, որը կհանգեցնի վառելիքի տեսակարար ծախսերի կրճատմանը, գ) C ինսպեկցիաների ժամկետի երկարաձգում՝ 4 տարին դարձնելով 6 տարի, ինչը կնպաստի էներգաբլոկի շարունակական աշխատանքի ժամանակահատվածի ավելացման, որի արդյունքում կավելանա ներքին ցանց օգտակար առաքումը 59,5 մլն. կՎտ. Ժ-ով, համապատասխանաբար գործող սակագնի պայմաններում 1103,7 մլն դրամ և արտահանումը Իրան-Հայաստան պայմանագրի շրջանակում։ Արդյունքում 2018-2020 թթ. կստեղծվի մոտ 20 աշխատատեղ` 250 հազար ՀՀ դրամ միջին աշխատավարձով: