Լավրովը ԼՂ հարցում ԵԱՀԿ ՄԽ շրջանակից առանձին չի գործում
ՀՀ արտաքին գործերի նախարարի տեղակալ Շավարշ Քոչարյանը համոզված է, որ Ռուսաստանի արտգործնախարար Սերգեյ Լավրովը Լեռնային Ղարաբաղի հակամարտության կարգավորման հարցում ԵԱՀԿ Մինսկի խմբից առանձին չի գործում: «Ռուսաստանի ԱԳ նախարարն առանձին չի գործում, նա գործում է ԵԱՀԿ Մինսկի խմբի ֆորմատի շրջանակում, այդ տեսակետից՝ մի փոքր տարօրինակ է, երբ փորձում են անընդհատ առանձնացնել, առավել ևս, որ անձամբ Լավրովը դա մի քանի անգամ հրապարակային հերքել է»,- ասաց ՀՀ ԱԳ նախարարի տեղակալը: Նա տեղեկացրեց, որ Լավրովի այցը կապված է Հայաստանի և Ռուսաստանի միջև դիվանագիտական հարաբերությունների հաստատման 25-ամյակի հետ՝ միաժամանակ ավելացնելով, որ արտգործնախարարն ազատ է նմանատիպ հանդիպումների ժամանակ քննարկելու ցանկացած հարց, առավել ևս նման կարևոր թեմա: :
