Բա պարոն Շարմազանով ջան, մենք ի՞նչ գործ ունենք

«Ինչո՞ւ է Հայaստանը մնում Եվրասիական տնտեսական միության կազմում Պարոն Շարմազանովը թվարկեց ԵՏՄ անդամ երկրները, ասաց, որ նրանց տնտեսական աճը մինուսային է, միայն մենք ենք, որ աճ ունենք: Էդ դեպքում ուղղակի հարց է առաջանում՝ բա պարոն Շարմազանով ջան, էդ դեպքում մենք ի՞նչ գործ ունենք մինուսական տնտեսությամբ տնտեսական ընկերակցության մեջ: Ինչո՞ւ ենք գնացել մտել մի միության մեջ, որտեղ մնացած երկրները մինուսով են, միայն մենք ենք պլյուսով: Ի՞նչ է, ուզում եք մենք էլ մինուսով գնանք»,Ազգային ժողովում 2018 թվականի բյուջեի նախագծի քննարկման ժամանակ հարցադրում արեց Ելք խմբակցության պատգամավոր Արամ Սարգսյանը`անդրադառնալով ԱԺ փոխնախագահ Էդուարդ Շարմազանովի ելույթին, ով թվեր էր հնչեցրել, որ ԱՊՀ տարածքում ամենամեծ տնտեսական  աճը Հայաստանում է: Նա ասաց, որ բյուջեի նախագիծն իրեն չի բավարարում մի շարք պատճառներով:«Ես գտնում եմ, որ բյուջեն որպես քաղաքական փաստաթուղթ պետք է ունենա հստակ քաղաքական ուղղվածություն, թե որոնք են այն ուղղությունները, որոնք ՀՀ-ին որպես պետության պետք է ապահովեն եկամուտներ»,- հավելեց պատգամավորը:Հայաստանի տնտեսությունն, ըստ նրա, շոգեքարշի նման կարող է տեղից պոկել արդյունաբերության զարգացումը: Երկրորդ ուղղությունը, որով հնարավոր է զարգացնել Հայաստանը, դա էներգետիկան է: Երրորդ պոտենցիալը ջուրն է:«Երբ պետք է դառնանք ջուր վաճառող երկիր, խոսքը խողովակաշարով ջուր վաճառելու մասին է: Ամբողջ արաբական աշխարհում ջուրն ավելի թանկ է, քան նավթը»,- հարցադրում արեց Սարգսյանը: