«14, 15 տարեկան երեխաները ցերեկ օրով կաֆեներում…». Կարեն Կարապետյան
ՀՀ կառավարության այսօրվա նիստի ընթացքում վարչապետ Կարեն Կարապետյանը հանձնարարականներ տվեց անչափահասներին արգելված արտադրանքների վաճառքի, ծառայությունների մատուցման դեպքերի կանխարգելման վերաբերյալ: «Իրականացված ուսումնասիրությունները ցույց են տալիս, որ անչափահասներին ծխախոտ, այդ թվում նարգիլեի համար, ալկոհոլային խմիչքներ ու շատ այլ արտադրանքներ վաճառելու, 18 տարին չլրացած անձանց գիշերային ակումբներ ու զվարճանքի այլ վայրեր մուտք գործելու դեպքերը կանխարգելելու հանգամանքները անբավարար են, իսկ որոշ դեպքերում՝ չկանոնակարգված», - ասաց Կ. Կարապետյանը: Նրա խոսքով՝ ներկայումս գործող վարչական իրավախախտումների վերաբերյալ օրենսդրությամբ նախատեսված պատասխանատվության միջոցները նույնպես բավարար չեն: «Ավելին, նման դեպքերը ուսումնասիրելու հստակ լիազոր պետական մարմին նախատեսված չէ, փոխարենը նախատեսված են մի քանի մարմիններ ու հստակեցված չեն գործառույթները», - ասաց վարչապետը: Ելնելով վերոնշյալից՝ հանձնարարում եմ Արդարադատության, Տնտեսական զարգացման և ներդումների, Առողջապահության, Տարածքային կառավարման և զարգացման նախարարներին, Քաղաքաշինության պետական կոմիտեի նախագահին և Ոստիկանության պետին, Երևանի քաղաքապետին երկուամսյա ժամկետում համատեղ մշակել անչափահասներին ծխախոտային արտադրաատեսակներ, ալյոհոլային խմիչքներ և այլ արտադրանք վաճառելու, ինչպես նաև 18 տարին չլրացած անձանց համար արգելված զվարճանքի վայրեր մուտք գործելու դեպքերի համար պատասխանավության միջոցների խստացման, կանոնակարգման, ինչպես նաև լիազոր մարմնի գործառույթների հստակեցմանն ուղվված առաջարկություններ և ներկայացնել կառավարության աշխատակազմ»,- ասաց Կարեն Կարապետյանը: Նա հանձանարարեց հստակեցնել հանձնարարկանը՝ հարցնելով, թե հանձնարարականում «Քաղաքաշինության պետական կոմիտեի նախագահն ինչի՞ն էր պետք»: Նա նշեց, որ հանձնարարականի հետ կապված ամեն ինչ պարզ է, հստակ, մեկնաբանության կարիք չկա. «14, 15 տարեկան երեխաները ցերեկ օրով կաֆեներում… և այլն»:
Հետևեք մեզ Viber-ում
