Կարայան Սուրիկը մանրամասն բացատրել է
Այսօր ԱԺ-կառավարություն հարցուպատասխանի ժամանակ «Ծառուկյան» խմբակցության պատգամավոր Շաքե Իսայանը վարչապետին հիշեցրեց, որ ներդրումների կոնկրետ ցուցանիշներ է խոստացել, ինչին ի սկզբանե մասնագետները թերահավատորեն էին մոտենում: Պատգամավորն ասաց, որ այս կառավարությունը պատմության մեջ կմնա ներդրումների յուրահատուկ հաշվարկման իր մեթոդով, ինչ ֆինանսական ցուցանիշ կա՝ ներդրումների անվան տակ է ներկայացնում՝ մասնավոր, պետական ծրագրերը, վարկերն ու դրամաշնորհները, քիչ էր մնում աշխատավարձերը եւս ներդրում ներկայացվեին: Կառավարությունը ներդրումներ է ակնկալում օտարերկրյա ներդրողներից. ի պատասխան ասաց վարչապետ Կարեն Կարապետյանը. «Կարայան Սուրիկը մանրամասն բացատրել է, դրա մեջ որևէ վտանգավոր բան չկա: Մենք այսօր մեր ներքին ներդրողին ոգևորելով՝ իրականում սպասում ենք արտասահմանյան ուղիղ ներդրումների աճ: Ինչ վերաբերում է հարցին, թե ինչ է կատարվել, նույնպես բազմիցս նշվել է, հրապարակային դա ասել ենք: Հարց են տալիս՝ մենք մեր մաշկի վրա դա չենք զգում: Էդ հայտանիշը մինչև վերջ ո՞նց ձևակերպել, մենք հետո հաշվետվություն տվեցինք, թե ներմուծման մեջ ինչքան է սպառման առարկան, կապիտալ ծախսը, շրջանառու միջոցը: Հիմա դուք ասեք՝ մենք ինչ ձև հաշվետվություն տանք, աճ եղել է, թե չէ, մենք ըտենց տանք: Բայց ամբողջ աշխարհն էս բանաձևն է ընդունում»: Կարապետյանը նշեց, որ եթե 20 տոկոսանց տնտեսական աճ էլ ապահովի կառավարությունը, մեր բոլոր խնդիրները չեն լուծվի:
Հետևեք մեզ Viber-ում
