Բնակիչներն ահազանգում են ծառերի գիշերային սպանդի մասին

Այսօր՝ նոյեմբերի 15-ին, Shamshyan.com-ը հեռախոսազանգեր էր ստանում քաղաքացիներից, ովքեր իրենց զայրույթն էին հայտնում գիշերը անհայտ անձի կամ անձանց կողմից Ազատության պողոտայում 2՝ 60-70 տարվա առողջ կեչի ծառատեսակները հիքմից կտրելու պատճառով։ Թե ով կամ ովքեր, ում ցուցումով են ծառերի գիշերային սպանդ իրականացրել, դեռևս պարզ չէ, մինչդեռ Երևանի քաղաքապետ Տարոն Մարգարյանը ամեն պատեհ-անպատեհ առիթն օգտագոծելով հայտարարում է, թե մայրաքաղաքում ավելանալու են ծառ ու թուփ և իր «խիստ» հանձնարարականով վարչական շրջանների ղեկավարները ոչ միայն հետամուտ են լինելու կանաչ զանգվածի պահպանմանը, այլ ավելացնելու են դրանց թիվը, մինչդեռ բնակիչները արդարացիորեն ասում էին, որ գիշերային ծառերի սպանդն այլ բան է հուշում։ Մնում է՝ իրավապահները հայտնաբերեն կատարողին կամ կատարողներին։