Ալիևը «Հարավային գազային միջանցք» նախագծի մասին

Ադրբեջանի նախագահ Իլհամ Ալիևը Ադրբեջանում անցկացվող «Հարավային գազային միջանցք» նախագծի խորհրդատվական խորհրդի նիստում հայտարարել է, որ 2015 թվականին դրվել է TANAP («Անդրանատոլիական») գազատարի հիմքը: «Այդ նախագիծը կարևոր դեր է խաղում «Հարավային գազային միջանցք» նախագծի իրականացման հարցում, որը էներգետիկ անվտանգության նախագիծ է։ Այսօր մենք հասկանում ենք, որ դա նախատեսում է երկրների ազգային անվտանգություն։ Էներգառեսուրսների դիվերսիֆիկացիան ցանկացած երկրի տնտեսության ու արդյունաբերության զարգացման հիմնական գործոնն է»,- ինչպես հայտնում է APA-ն, այդ մասին հայտարարել է Ալիևը: Ալիևի խոսքով՝ բնական պաշարներով հարուստ երկրներն անվտանգ վիճակում են էներգետիկ տեսանկյունից, քանի որ կախված չեն արտաքին մատակարարումներից, սակայն, միաժամանակ, այդ երկրները կարիք ունեն սպառման շուկաների։ ««Հարավային գազային միջանցքում» մեր կողմից պահպանվել է հավասարակշռությունը արտադրողների, տարանցիկ երկրների ու սպառողների միջև: Հաջորդող 2-3 տարիների ընթացքում մեր պլանների հաջող իրականացումը ցույց կտա, որ այս նախագիծը շատ լավ ապագա ունի»,- ասել է Ալիևը։