Ադրբեջանը լուսանկարներ է տարածել. Ալիևի և Փաշինյանի քարոզչական ակնկալիքները շինծու դատական ֆարսից. 168.am

Հունվարի 17-ին, մեկնարկել է կեղծ, շինծու մեղադրանքներով ավելի քան մեկ տարի Բաքվի բանտերում ապօրինի պահվող հայ գերիների, այդ թվում՝ Արցախի ռազմաքաղաքական ղեկավարության նկատմամբ «դատավարություն» կոչվող շոուն:

Ադրբեջանական լրատվամիջոցները ողջ օրվա ընթացքում տեսանյութեր և լուսանկարներ էին հրապարակում ապօրինի պահվող Արցախի ռազմաքաղաքական ղեկավարության ներկայացուցիչների դատական ֆարսից:

Հիշեցնենք, 2023թ.սեպտեմբերին Արցախիդեմ 9-ամսյա շրջափակումից և ամբողջ հայ բնակչության էթնիկ զտումից հետո Ադրբեջան ըգերեվարել էր Արցախի նախկին նախագահներ Արկադի Ղուկասյանին, Բակո Սահակյանին, Արայիկ Հարությունյանին, Արցախի Ազգային ժողովի նախագահ Դավիթ Իշխանյանին, Արցախի նախկին պետնախարար Ռուբեն Վարդանյանին, նախկին արտգործնխարար Դավիթ Բաբայանին, ՊԲ նախկին հրամանատար Լևոն Մնացականյանին և ՊԲ հրամանատարի տեղակալ Դավիթ Մանուկյանին։ Նրանց ներկայացված են բազմապիսի կեղծ մեղադրանքներ, որոնք նախատեսում են ընդհուպ մինչև ցմահ ազատազրկում։

Պաշտոնապես, հայ գերիների ընդհանուր թիվը Ադրբեջանում 23-ն է։

Լուսանկարներում գերեվարված հայ գործիչները հյուծված և ծանր տեսք ունեն, ինչը ևս մեկ անգամ վկայում է Ալիևի բռնապետական ռեժիմի կողմից արված դաժան խոշտանգումների, բռնությունների մասին:

Նախօրեին Ռուբեն Վարդանյանն ընտանիքի միջոցով հայտարարություն էր տարածել իր նկատմամբ ճնշումների և կեղծ դատավարական պրոցեսի մասին։

«Հունվարի 17-ին, ժամը 15:00-ին նշանակված է իմ գործով դատական նիստը: Ինձ ասվել է, որ ինձ առաջադրված է 42 մեղադրանք, որոնցից մի քանիսով նախատեսվում է ընդհուպ մինչև ցմահ ազատազրկում:

Բայց մինչև հիմա ինձ հնարավորություն չի տրվել ծանոթանալու պաշտոնական մեղադրական եզրակացությանը: Ինձ և իմ փաստաբանին ընդամենը թույլ են տվել թերթել 422 հատորանոց քրեական գործը ադրբեջաներենով, որին ես չեմ տիրապետում, և դրա համար հատկացվել է բավականին կարճ ժամանակահատված՝ 2024թ. դեկտեմբերի 9-ից մինչև 2025 թ. հունվարի 8-ը:

Հոդվածների ցանկը, որոնցով ինձ մեղադրանքներ են առաջադրված, ռուսերենով ես ստացել եմ միայն 2025թ. հունվարի 8-ին»,-հայտարարել էր նա՝ մանրամասն ներկայացծնելով ողջ ֆարսը, և վերջում ուղերձով դիմել հայ և միջազգային հանրությանը.

«Ես խոստանում եմ անել ամեն հնարավորը, որ դա տեղի ունենա իմ կենդանության օրոք: Ինչպես ասել է մեծն Մահաթմա Գանդին, աշխարհն ինքնաոչնչացումից փրկելու միակ ճանապարհը առանց բռնության, ճշմարտության և սիրո սկզբունքներով ապրելն է:

Մենք կարող ենք հասնել իրական խաղաղության բոլոր մարդկանց նկատմամբ կարեկցանքի միջոցով՝ անկախ նրանց մաշկի գույնից, ազգությունից կամ դավանանքից:

Շնորհակալ եմ բոլորին աջակցության համար: Բոլորին սիրում եմ և երախտապարտ եմ ՝ իմ նկատմամբ բարի վերաբերմունքի համար:

Իմացեք, որ ես ամուր եմ, դիմանում եմ և հավատում եմ, որ ճշմարտությունը հաղթելու է»:

Միջազգային քրեական դատարանի նախկին գլխավոր դատախազ Լուիս Մորենո Օկամպոն այսօր հայտարարել է.

«Սա դատավարություն չէ, սա Ալիևի խամաճիկային բեմադրութունն է»:

Մինչ հասարակության տարբեր ներկայացուցիչներ իրենց ցավը, վրդովմունքն ու հուզմունքը, էմոցիոնալ ապրումները, անձնական և ազգային ամոթը, զայրույթն են արտահայտում, Նիկոլ Փաշինյանը, նրա կինը շարունակում են տեղի ունեցած հանցագործությունների, աղետի, կորուստների իրենց մեղքերը բարդել այլոց վրա՝ գրառումներ անելով սոցիալական ցանցերում և հոդվածներ հրապարակում իրենց ընտանեկան թերթի էջերում:

Ալիևն իր քարոզչական օգուտներն է փորձում քաղել նողկալի այդ դատական ֆարսից, Փաշինյանը և նրա կինը՝ իրենց անձնական խնդիրներն են լուծում՝ օգտվելով Բաքվում գտնվողների վիճակից:

168.am