Հանցագործության մասին հաղորդում

Հասցեյատեր՝ ՀՀ հակակոռուպցիոն կոմիտե,
ՀՀ Ազգային ժողովի պատգամավոր՝
Հովիկ Աղազարյանին
2024 թ-ի նոյեմբերի 14-ին ղեկավարվելով ՀՀ Սահմանադրության 42-րդ և 51-րդ հոդվածների և <<Տեղեկատվության ազատության մասին>> ՀՀ օրենքի 6-րդ հոդվածով գրավոր հարցումով դիմել եմ ՀՀ գլխավոր դատախազ` Աննա Վարդապետյանին, խնդրելով տրամադրել համապատասխան տեղեկատվություն, սակայն գլխավոր դատախազ՝ Ա. Վարդապետյանը, ըստ այդմ, իրեն վեր դասելով օրենքի պահանջներից մինչ օրս չի տրամադրել հայցվող տեղեկատվությունը խախտելով օրենքով սահմանված ժամկետը:
Ընդ որում, ՀՀ քրեական օրենսգրքի 208-րդ հոդվածի համաձայն՝ անձին՝ նրա իրավունքներին կամ օրինական շահերին առնչվող փաստաթուղթ կամ այլ տեղեկություն իրավասու անձի կողմից ապօրինի չտրամադրելը կամ անձին այդ փաստաթուղթը կամ տեղեկությունն ապօրինի ոչ լրիվ կամ աղավաղված տրամադրելը, եթե դա խոշոր չափերի գույքային կամ այլ էական վնաս է պատճառել անձի իրավունքներին կամ օրինական շահերին՝
պատժվում է տուգանքով` առավելագույնը քսանապատիկի չափով, կամ հանրային աշխատանքներով` ութսունից հարյուր հիսուն ժամ տևողությամբ, կամ որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով` առավելագույնը երեք տարի ժամկետով, կամ ազատության սահմանափակմամբ` առավելագույնը երկու տարի ժամկետով, կամ կարճաժամկետ ազատազրկմամբ` առավելագույնը երկու ամիս ժամկետով, կամ ազատազրկմամբ` առավելագույնը երկու տարի ժամկետով:
Վերոնշյալը փաստում է, որ ՀՀ գլխավոր դատախազ՝ Աննա Վարդապետյանի արարքում առկա է ՀՀ քրեական օրենսգրքի 208-րդ հոդվածի հատկանիշներին համապատասխան արարք:
Վերոգրյալից ելնելով խնդրում եմ ձեռնարկել համապատասխան միջոցներ՝ սույն հաղորդմանը օրենքով սահմանված կարգով ընթացք տալու, քրեական վարույթ նախաձեռնելու ու վերջինիս լիազորությունները կասեցնելու ուղղությամբ:
ՀՀ պահեստազորի զինծառայողների նախաձեռնության համակարգող՝ Էդգար Հովհաննիսյան:
13.01.2025 թ.

ՀՀ պահեստազորի զինծառայողների նախաձեռնություն