Թրամփը Քալիֆորնիայի նահանգապետ Նյուսոմին մեղադրում է նահանգում մոլեգնող անտառային հրդեհների համար

ԱՄՆ նորընտիր նախագահ Դոնալդ Թրամփը մեղադրել է Քալիֆորնիայի նահանգապետ Գևին Նյուսոմին Լոս Անջելեսի տարածքում բռնկվող զանգվածային անտառային հրդեհների համար՝ պնդելով, որ վերջինս պետք է ստորագրեր հռչակագիր՝ Քալիֆորնիա ավելի շատ ջուր մղելու և անտառային հրդեհները կանխելու համար: Այս մասին իր X-ի էջում գրել է Դոնալդ Թրամփը՝ անդրադառնալով վերջին ժամերի ընթացքում Քալիֆորնիայում ստեղծված արտակարգ դրությանը։

«Նահանգապետ Գևին Նյուսոմը հրաժարվեց ստորագրել իր առջև դրված ջրի վերականգնման մասին հռչակագիրը, որը թույլ կտար Հյուսիսում ավելորդ անձրևից և ձյան հալոցքից առաջացած միլլիոնավոր գալոններով ջուրը ամեն օր հոսել Քալիֆորնիայի շատ հատվածներ, ներառյալ այն տարածքները, որոնք ներկայումս այրվում ենապոկալիպտիկ ձևով»,-գրել է Թրամփը։ Թրամփի որակմամբ, նահանգապետը թքած ունի Քալիֆորնիայի բնակիչների վրա։ «Հիմա վերջնական գինը վճարվում է։ Ես կպահանջեմ, որ այս ապաշնորհ նահանգապետը թույլ տա գեղեցիկ, մաքուր, քաղցրահամ ջուր հոսի դեպի Քալիֆորնիա։ Սրա մեղավորն ինքն է։ Բացի այդ՝ չկա ջուր հրշեջ հիդրանտների և ոչ էլհակահրդեհային ինքնաթիռների համար: Իսկական աղետ»,-գրել է Թրամփը։

Հիշեցնենք, որ ԱՄՆ-ում հրդեհները բռնկվել են, երբ սեզոնային՝ Սանտա Անա քամիները հայտնվել են նահանգում։ Քամիները, փաստորեն, նպաստել են հրդեհների տարածմանը, և չի բացառվում, որ պոռթկումները կարող են հասնել ժամում 160 կիլոմետրի։ Լոս Անջելեսը պատած ծխածածկույթի պատճառով քաղաքում ու հարակից շրջաններում միջոցառումները չեղարկվել են։