Հեռախոսս փչացած ա եղել, 3G-ն չի անջատվել, դրանից ա եղել.Նաղդալյանը բյուջեի հաշվին 2 միլիոնի Չինաստան խոսելու մասին

Այսօր լրագրողները ՀՀԿ պատգամավոր Հերմինե Նաղդալյանին հարցրեցին, թե ո՞ւմ հետ է պետության հաշվին 2 մլն դրամի մեկ ամսում խոսել Չինաստան: Նաղդալյանը պատասխանեց. «Հեռախոսս փչացած է եղել, տեխնիկական խնդիր է եղել, 3G-ն չի անջատվել, դրանից է եղել»:Հարցին՝ ասում են, Չինաստան եք խոսել՝ ձեր որդու հետ, սո՞ւտ է դա՝ նա պատասխանեց. «Չէ, Չինաստան իմ որդու հետ ես Whatsapp-ով եմ խոսում, դա վճարովի չի»: Հարցին, թե չի՞ պատրաստվում սեփական միջոցներից փոխհատուցել, քանի որ իր մեղքով է եղել, Նաղդալյանը պատասխանեց, որ իրեն նման պահանջ չի ներկայացվել. «Եթե այդպիսի պահանջ ներկայացնեն, կփոխհատուցեմ»: Հիշեցնենք, որ Հերմինե Նաղդալյանն այս տարվա մայիսին իր ծառայողական բջջային հեռախոսով 2 մլն դրամի զանգեր է արել, և դա վճարել է պետբյուջեից: Պարզվել է, որ նա ծառայողական հեռախոսով խոսել է Չինաստանում սովորող որդու հետ: ԱԺ նախագահին, փոխնախագահներին և հանձնաժողովի նախագահներին ԱԺ աշխատակազմը տրամադրում է ծառայողական հեռախոսահամարներ և սահմանում գումարային լիմիտներ: