ԱՆ-ում մոտ 3 մլրդ պետպատվերի ծառայությունների պայմանագիրը կնքվել է ընտանիքի անդամների միջև․ Վարդանյան

«Առողջության իրավունք» իրավապաշտպան ՀԿ համանախագահ Ծաղիկ Վարդանյանը գրում է․

«2025թվականի մեկնարկ․

Հետք -ի 25.12.2024 թվականի «ՊՎԾ-ն «Արմենիա» ԲԿ-ում թերի ուսումնասիրություններ է արել և կոծկել խախտումները» հրապարակած հոդվածը հետաքննողի տրամաբանությամբ ներկայացնում է «Արմենիա» ԲԿ-ի ուսումնասիրությունը՝ իր ամբողջ «հմայքով»

Ես կներկայացնեմ այդ ուսումնասիրության ծագումնաբանությունը.
Ուսումնասիրությունը նախաձեռնվել է 2021թ. ամռան ավարտին, երբ բժշկական կազմակերպություններում պետական պատվերի «վերջանալու» հետ կապված բողոքների ալիք տարածվեց, քաղաքացիներին հերթագրում էին արդեն դեկտեմբեր ամսվա համար , իսկ ՊԱԳ-ը ներկայացրել էր(ես այդ ընթացքում զբաղեցրել եմ ԱՆ ՊԱԳ-ի պետի պաշտոնը ), որ անհրաժեշտ է ևս 9մլրդ.դրամ տարին նորմալ ավարտելու համար:
ՀՀ կառավարությունը ցանկանում էր «հասկանալ», թե իրականում ի՞նչ է կատարվում բժշկական օգնության և սպասարկման պետական պատվերի համակարգում, ուստի հանձնարարեց ՊՎԾ-ին ԱՆ-ի հետ համատեղ կատարել ուսումնասիրություններ և ներկայացնել իրավիճակի վերաբերյալ տեղեկանք:
Ուսումնասիրվող կազմակերպությունները ընտրվել են մի քանի չափանիշներով: ՀՀ ԱՆ-ի կողմից ՊՎԾ-ում սույն ընտրությանը մասնակցել եմ ես և ՊԱԳ-ի բաժնի վարիչներից ևս մեկ անձ, հետևաբար «Արմենիա» ԲԿ-ին ցանկում «չընդգրկելու օպերացիան» տապալվեց դեռ չսկսած:
Նշեմ, որ ՊԱԳ-ի հնաբնակները շատ դժվարությամբ էին համաձայնվում ընդգրկվել «Արմենիա» ԲԿ-ն ուսումնասիրող թիմի մեջ՝ բերելով տարբեր անտրամաբանական պատճառներ, իսկ եղան պաշտոնյաներ, ովքեր պարզապես մերժեցին, նրանք հետագայում «պարգևատրվեցին» պաշտոնի բարձրացումով: ՊԱԳ-ի աշխատողները չէին ցանկանում մասնակից լինել նորաշանակ գլխավոր քարտուղարի ընտանեկան բիզնեսի ուսումնասիրությանը ՝այն էլ ՊՎԾ-ի հետ համատեղ (սույն անձը նշանակվել էր այդ պաշտոնին 2021 թ. մայիսի 8-ին ):
իհարկե, շատ արագ ամեն ինչ փոխվեց: Ինձ ազատեցին ՊԱԳ-ի պետի պաշտոնից՝ սույն տիկնոջ քավորությամբ( չէր մարսում 2017թ.-ի նույն ԲԿ-ում ՊԱԳ-ի ուսումնասիրությունը, որով «Արմենիա» ԲԿ-ն պետությանը պետք է վերադարձներ մոտ 50մլն. դրամ): ՊՎԾ սոցիալական վերահսկողության վարչության պետը նույնպես ազատվեց պաշտոնից և նշանակվեց ԱՆ գլխավոր քարտուղարի բարեկամը:
Սկսվեց «փրկել ընտանեկան բիզնեսը» օպերացիան:

Ու քանի որ այս նյութին վերաբերվող հրապարակումների պակաս չկա, ինչպես նաև դատաիրավական տիույթում էլ է քննվում այս խնդիրը , ես ընդամենը մի քանի մասնագիտական հարցեր կպարզաբանեմ:
Այսպես, «Արմենիա» ԲԿ-ում «ուսումնասիրության առարկա հանդիսացող փաստաթղթերի ահռելի ծավալով» է պայմանավորված թերի ուսումնասիրությունը մտքին արձագանքում եմ.
1301 ծառայությունների ծածկույթը դա «stend for life» ծրագիրն է, որը վերաբերվում է ST- էլեվացիայով սրտամկանի ինֆարկտի ստենդավորմանը: Այս այն հազվադեպ ծառայությունն է, որ ունի իրավական ակտով ամրագրված հստակ կլինիկական և լաբորատոր չափանիշներ, այն ստուգելը շատ առարկայական և թիրախային է ստացվում՝ առանց «լիրիկական շեղումների»: Իսկ «Արմենիա» ԲԿ-ն տարեկան «stend for life» ծրագրով բուժում է մոտ 80 պացիենտ, ինչ վերաբերվում է մնացած ծրագրերին/ծածկույթներին, ապա այն դեպքերում, երբ ծավալը «ահռելի» է կիրառվում է ՊԱՅՄԱՆԱԳԻՐ ԱՆ ՊԱԳ-ԾՁԲ-005 պետական պատվերի պայմանագրի հավելված 3-ով ամրագրած դրույթները (բժշկական օգնության և սպասարկման պայմանները և ԲԿ-ի պատասխանատվությունը ), ըստ որի նույն ծրագրի մեջ կրկնվող խախտման համար կիրառվում են ամբողջ ծրագիր վրա տուժեր, տուգանքներ՝ առանց բոլոր պատմագրերը դիտարկելու:

Հ.Գ. Nikol Pashinyan / Նիկոլ Փաշինյան Իսկ շահերի բախում չկա, երբ ՀՀ ԱՆ-ում մոտ 3 մլրդ պետական պատվերի ծառայությունների պայմանագիրը կնքվում է ընտանիքի անդամների միջև,այս դեպքում էլ ամեն ինչ օրինաչափ է՞»: