Գազայի շուրջ համաձայնության գալուն խոչընդոտող բոլոր վիճելի հարցերը լուծվել են․ ՀԱՄԱՍ
Գազայի հատվածի շուրջ համաձայնության գալուն խոչընդոտող բոլոր վիճելի և չլուծված հարցերը հաջողությամբ լուծվել են, ստորագրումը կախված է միայն Իսրայելի վարչապետ Բենյամին Նեթանյահուից, Ալ Մայադին հեռուստաալիքին հայտարարել է Լիբանանում ՀԱՄԱՍ շարժման ներկայացուցիչ Ահմադ Աբդուլ Հադին․
«Այժմ գնդակը Նեթանյահուի կողմն է, հատկապես բոլոր կետերի հետ համաձայնության գալուց հետո, եւ միայն նա կարող է խոչընդոտել համաձայնագրի ստորագրմանը»,- ընդգծել է նա՝ հավելելով, որ ՀԱՄԱՍ-ը բանակցություններում «մեծ ճկունություն է ցուցաբերել, փոխանցում է Times of Israel-ը:
Հադին հայտնել է, որ միջնորդները սպասում են Իսրայելի պաշտոնական դիրքորոշմանը և համաձայնագրի ստորագրմանը․ «Այլևս ոչ մի արդարացում կամ պատրվակ չկա Նեթանյահուի համար, որպեսզի խոչընդոտի այդ համաձայնությանը, ինչպես նա արել է նախկինում»,- ընդգծել է նա։
Հետևեք մեզ Viber-ում
