Մոլդովայում կտրուկ են արձագանքել էլեկտրաէներգիայի սակագնի բարձրացմանը

Էլեկտրաէներգիայի սակագնի զգալի բարձրացումը Մոլդովայի իշխանությունների ոչ կոմպետենտության հետևանք էր, հայտարարել է ընդդիմադիր «Պոբեդա» դաշինքից Մոլդովայի խորհրդարանի պատգամավոր Վասիլի Բոլեան իր թելեգրամյան ալիքում։

Էներգետիկայի կարգավորման ազգային գործակալությունը (ANRE) հունվարի 3-ին կայացած նիստում հաստատել է էլեկտրաէներգիայի և ջերմության նոր սակագները։
Հանրապետության կենտրոնի և հարավի համար էլեկտրաէներգիայի սակագինը բարձրացել է մինչև 4,1 լեյ մեկ կիլովատ/ժամի համար (մոտ 22 ցենտ), հյուսիսում՝ մինչև 4,68 լեյ (մոտ 25 ցենտ)։
Բարձրացել է նաև ջերմային էներգիայի արժեքը։ Մայրաքաղաքային շրջանում սակագինը 1,824-ից հասել է 2,510 լեյի՝ մեկ գիգակալորիայի դիմաց (մոտ 139 դոլար), հյուսիսում՝ 2,126 լեյ (118 դոլար), իսկ հարավում՝ 3,222 լեյ (179 դոլար)։