«Ադրբեջանը ունի առավելություն. այնտեղ շեշտը դրվում է տեխնլոգիաների վրա»
«Զինվորական ծառայության եւ զինծառայողի կարգավիճակի մասին» օրինագիծը արտագաղթի նոր տեմպերի սկիզբ կդնի։ Այս մասին Հայելի ակումբում լրագրողների հետ հանդիպման ժամանակ հայտնեց «Մոդուս վիվենդի» կենտրոնի ղեկավար, քաղաքագետ Արա Պապյանը։Ըստ նրա՝ օրենքով նախատեսված արդարության վերականգնման համար կատարվող քայլերը ստեղծելու են նոր զարտուղի ճանապարհներ՝ ծառայությունից խուսափելու համար։ «Սկսված գործընթացն արդեն իսկ խթանում է արտագաղթին, որը մտահոգվելու լուրջ առիթ է։ Պատանիների ծնողները, վախենալով իրենց երեխաների ապագայի համար,արդեն նրանց տանում են երկրից: Պետք է ընդունվի առաջարկ, որ, օրինակ, ովքեր չեն ծառայել, հնարավորություն չունենան որոշակի պաշտոններ ստանձնել»,-ընդգծեց նա։ Պապյանի մտահոգություն հայտնեց մեկ այլ խնդրի շուրջ եւս՝ «Չնայած տեղեկատվական տեխնոլոգիաները զարգանում են, մենք շարունակում ենք բանակը ամրացնել մարդկանցով, մինչդեռ ամենակարեւոր կորուստները հենց մարդկային կորուստներն են։ Այդ առումով Ադրբեջանը ունի առավելություն, այն առումով, որ այնտեղ շեշտը դրվում է տեխնլոգիաների վրա»։
Հետևեք մեզ Viber-ում
