Խոշոր ավտովթար Արարատի մարզում

Այսօր՝ նոյեմբերի 13-ին, խոշոր ավտովթար-հրդեհ է տեղի ունեցել Արարատի մարզում։ Ժամը 16;0-ի սահմաններում Սայաթ-Նովա գյուղի վարչական տարածքում բախվել են Արարատի մարզի Հայանիստ գյուղի բնակիչ՝ 21-ամյա Սուրեն Աղասյանի վարած ВАЗ 2109 մակնիշի 35 ԼZ 959 համարանիշի և ВАЗ 2107 մակնիշի 34 QV 65 համարանիշի ավտոմեքենաները։ Ինչպես հայտնում է Shamshyan.com-ը, բախման հետևանքով «07»-ը դուրս է եկել երթևեկելի գոտուց, բախվել ճանապարհի գազատար խողովակին, ինչի հետևանքով էլ «07»-ում հրդեհ է բռնկվել։ Վթարի հետևանքով «07»-ի վարորդն ու ուղևորը, որոնց առաջինը օգնություն են ցուցաբերել քաղաքացիները, տեղափոխվել են Մասիսի բժկական կենտրոն։ Տեղում հետաքննչական աշխատանքները ղեկավարում է Ոստիկանության Մասիսի բաժնի հետաքննչական բաժանմունքի ավագ հետաքննիչ Հրաչ Թորոսյանը, ում կողմից փաստի առթիվ նյութեր են նախապատրաստվում։ Ոստիկանությունը պարզում է «07»-ի վարորդի և վիրավորի ինքնությունը։ Հետաքննիչի հանձնարարականով ավտոմեքենաները տեղափոխվում են Ոստիկանության Մասիսի բաժնի պահպանվող հատուկ տարածք։