Ոստիկանությունը հրապարակել է հոշոտված հայտնաբերված կնոջ հագուստի լուսանկարները և ճանաչողներին խնդրում է արձագանքել (լուսանկարներ)

ՀՀ ոստիկանությունը հրապարակել է նոյեմբերի 11-ին Իջևան-Ճամբարակ ավտոճանապարհի հարևանությամբ Աղստև գետի ափին հոշոտված հայտնաբերված միջահասակ, սպիտակամաշկ, 30-ից 35 տարեկան կնոջ հագուստի լուսանկարները։ «Կնոջ ինքնության վերաբերյալ տեղեկություն ունեցողներին խնդրում ենք դիմել ոստիկանության մոտակա բաժին կամ զանգահարել 1-02»,–հայտնում են ոստիկանությունից: Հիշեցնենք, որ նոյեմբերի 11-ին Երևան-Սևան-Իջևան ավտոճանապարհին հայտնաբերված կնոջ հոշոտված մարմնի վրա հայտնաբերվել են կտրած-ծակած վնասվածքներ, հարուցվել է քրեական գործ՝ ՔՕ-ի 104-րդ հոդվածի (սպանություն) հատկանիշներով: Մահացածի ինքնությունը չի պարզվել, սակայն արտաքին զննությամբ նա եղել է մոտ 35 տարեկան: Թե նա քանի օր առաջ է սպանվել կինը կպարզեն դատաբժիշկները, սակայն մարմնի վրա չկան նեխածության տարրեր, ինչից ենթադրվում է, որ կինը վաղուց չի սպանվել: