Անդրանիկ Քոչարյանը երկու ամիս է խուսափում է անհետ կորածների հարազատների հետ հանդիպել
Քիչ առաջ անհետ կորած զինծառայողների հարազատները փակել են Բաղրամյան պողոտան՝ պահանջելով հանդիպում ՔՊ-ական պատգամավոր ՀՀ ԱԺ պաշտպանության և անվտանգության հարցերով հանձնաժողովի նախագահ Անդրանիկ Քոչարյանի հետ։
Հարազատները նշում են, որ նախկինում արդեն պահանջել են նման հանդիպում, սակայն Քոչարյանը հրաժարվում է, ուստի իրենք ստիպված են եղել դիմել նման քայլի ու իրենց պահանջն այս կերպ արտահայտել։
«Հրաժարվում է, արդեն 2 ամիս է «էսօր էքուց է» գցում, լիքը հարցեր ունենք իրեն տալու որպես քննիչ հանձնաժողովի ղեկավար, բայց ակնհայտ է, որ նա խուսափում է մեր հետ հանդիպումելուց։ Մի քանի ամիս է ասում է՝ արձակուրդ եմ, երկրում չեմ, Հիտլերը տեղում չի, Պրագայում տեղ չկա, քովիդ եմ, չգիտեմ ինչ եմ։ բայց էսօր էլ պայմանավորվածություն կար, բայց չի հանդիպում։ Նա 44-օրյա պատերազմի հանգամանքները քննող հանձնաժողովի ղեկավարն է. մենք էլ հարցեր ունենք, իրենց թվում է՝ թեման փակեցին՝ պրծան, հա՞։ Ճիշտը տենց չի»,-ասաց հարազատներից մեկը։
Աղբյուր` Փաստինֆո
Հետևեք մեզ Viber-ում
