Ինչպե՞ս կարող է Սամվել Բաբայանը չտարբերակել ռազմամթերքն ու անպիտան խողովակը
Այսօր՝ նոյեմբերի 13-ին, Կենտրոն և Նոր Նորք վարչական շրջանների ընդհանուր իրավասության դատարանում շարունակվում է «Իգլա»-ի գործով դատական նիստը՝ դատավոր Արշակ Վարդանյանի նախագահությամբ: «Իգլա» ԶՀՀ ապօրինի շրջանառության գործով դատախազը պահանջել է Արցախի պաշտպանության նախկին նախարար Սամվել Բաբայանին դատապարտել 7 տարվա ազատազրկման։ Նշված գործով դատաքննությունն ավարտվել է։ Մեղադրող Արամ Արամյանը նշեց, որ պաշտպանական կողմը անհաջող փորձեր է արել գործի վերաբերյալ հասարակական թյուր կարծիք ձևավորել՝ հերքելով մեղադրանքը ու ձեռք բերված ապացույցները: Մասնավորապես, ամբաստանյալ Սամվել Բաբայանը հայտարարել է, որ «Իգլա»-ի խողովակը անպիտան խողովակ է, մինչդեռ, ըստ փորձագետի եզրակացության, խողովակը՝ «Իգլա» տեսակի դյուրակիր զենիթահրթիռային համալիրի հետ միասին, ռազմամթերք է և պիտանի է մարտական կիրառման համար: Մեղադրողը տարակուսանք հայտնեց, թե ինչպե՞ս կարող է նախկինում պաշտպանության նախարարի պաշտոնը զբաղեցրած Սամվել Բաբայանը չտարբերակել ռազմամթերքն ու անպիտան խողովակը:
Հետևեք մեզ Viber-ում
