ԵԱՀԿ Մինսկի խումբը և նրա բոլոր կառույցները ենթակա են լուծարման. Զախարովա
Մինսկի կոնֆերանսի բոլոր կառույցները՝ Մինսկի խումբը, բարձր մակարդակի պլանավորման խումբը, ղարաբաղյան կարգավորման հարցով ԵԱՀԿ գործող նախագահի անձնական ներկայացուցչի պաշտոնը ենթակա են լուծարման։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Համապատասխան որոշումներ կայացնելու օպտիմալ միջոցը Բաքվի և Երևանի համատեղ առաջարկն է՝ լուծարել այդ հաստատությունները», - ասել է նա։
Նրա խոսքով՝ Մինսկի խմբի ամերիկացի ու ֆրանսիացի համանախագահները դադարեցրել են շփումը ռուս գործընկերների հետ 2022 թվականի փետրվարին։ Դրան հաջորդել է Հայաստանի կողմից Արցախը որպես «Ադրբեջանի անբաժան մաս» ճանաչելը Հայաստան-Ադրբեջան-ԵՄ-Ֆրանսիա գագաթնաժողովից հետո, որը տեղի է ունեցել Պրահայում 2022 թվականի հոկտեմբերի 6-ին։
«2023 թվականի սեպտեմբերին տեղում իրավիճակի հիմնարար փոփոխությունն այն էր, որ ԵԱՀԿ Մինսկի խմբի համանախագահների՝ ԵԱՀԿ-ի կողմից հաստատված մանդատը ղարաբաղյան կարգավորման հարցում կորցրեց իր արդիականությունը»,- ասեկ է նա։
Զախարովան նշել է, որ ամեն ինչ սկսվել է նրանից, որ Արևմուտքն արգելափակել է Մինսկի խմբի ձևաչափի աշխատանքը, որից հետո տեղում փոփոխություններ են տեղի ունեցել։
Հետևեք մեզ Viber-ում
