Արցախը հանձել է Նիկոլ Փաշինյանը եւ վերջ․ Նիկոլը հերթական անհեթեթությունն ու սուտն է ասել

ՀՀԿ փոխնախագահ Էդուարդ Շարմազանովը գրոմ է․

«Արցախը հանձել է Նիկոլ Փաշինյանը եւ վերջ։

Նիկոլը հերթական անհեթեթությունն ու սուտն է ասել ,իբր 1994-ից հետո բանակցվել է բացառապես Արցախն Ադրբեջանի կազմում մտցնելու մասին։

Սա լկտի սուտ է։

Սերժ Սարգսյանի թողած բանակցային փաթեթի արդյունքում Արցախի խնդիրը լուծվելու էր ժողովուրդների ինքնորոշման իրավունքի ամբողջական իրացման՝ հանրաքվեի միջոցով։

Դրա մասին հստակ ասել է ԵԱՀԿ Մինսկի խմբի ռուսաստանցի համանախագահ Պոպովը 2021-ի հունվարի 13-ին։

Սերժ Սարգսյանի բանակցած Կազանյան փաստաթղթի ստորագրումից հրաժարվել է Ադրբեջանը։

Դա փաստել է 2016-ի ապրիլին ՌԴ ԱԳՆ Լավրովը։

Դրա մասին ասել է նաեւ Փաշինյանը 2020-ի հոկտեմբերին արտախորհրդարանական ուժերի հետ հանդիպման ժամանակ։

Եթե փաստաթուղթն Արցախն Ադրբեջանին հանձնելու մասին էր,ինչու՞ էր Ալիեւը հրաժարվում այն ստորագրել։

Ավելին.Սերժ Սարւսյանի բանակցած փաթեթի բովանդակությունը կարճ տվել է հենց Իլհամ Ալիեւը,ով 2016-ի հոկտեմբերի 7-ին նշել է.«Փակ դռների հետեւում Ադդբեջանից պահանջում են ճանաչել Լեռնային Ղարաբաղի անկախությունը»։

Նույնիսկ Նիկոլ Փաշինյանն է հայտնի ձայնագրության մեջ Արցախի խորհրդարանի պատգամավորներին ասել,որ Պուտինն էլ է իրեն ասել,որ նույնիսկ Ալիեւն է հասկանում Արցախի Ադրբեջանի կազմում չլինելու հանգամանքը։

2020-ի պատերազմի օրերին Փաշինյանը հայտարարել է ,որ պատերազմի դադարեցման գինը «5 պլյուս 2» տարբերակն է։

Անգամ 2020-ի հոկտեմբերի 19-20-ի Պուտինի պատերազմը դադարեցնելու առաջարկով «Շուշին մնալու էր հայկական վերահսկողության տակ»։

Բա որ նախկինները համաձայնվել էին Արցախը տալ Ադրբեջանին,ինչու՞ էր Փաշինյանն ասում ՝ ես բանակցությունը իմ կետից եմ սկսում ու ոչ թե Սերժ Սարգսյանի կետից։

Բա 2018-2020թթ. Հանրապետականը սուր քննադատում էր իրեն հենց նրա համար,որ մեդժել է Սերժ Սարգսյանի թողած բանակցային ժառանգությունը։

Նիկոլն էր ասում ՝ ինչ պետք է ,դա էլ բանակցում եմ։

Նիկոլն էր ասում՝ Արցախը Հայաստան է եւ վերջ։

Նիկոլը պատերազմով հանձնեց Արցախը։

Բա որ Արցախը «հանձնված» էր մինչեւ իրեն,ինչու՞ ինքը մարեց 5 հազար ընտանիքի ճրագ ։

Ինչու՞,Նիկոլ…

Քո վրա դաջված է կապիտուլյանտի ու Արցախը հանձնողի պիտակը։

Դա ոչ սափրվելով է ջնջվելու ու ոչ էլ ՝ կեղծիք տարածելով։

Արցախի հանձնումը ունի կոնկրետ անուն ազգանուն՝ Նիկոլ Փաշինյան։

Արցախը պահելու օպտիմալ տարբերակ կար՝2018-ին սատարել Հանրապետականին ու «չմերժել» Սերժ Սարգսյանին»։