Այ սենց են մսխում պետական բյուջեն, ինչի արդյունքում ամեն տարի միլիոններ են դուրս գրում նոր տոնական զարդարանքի համար․ Չախոյան

Այ սենց են մսխում պետական բյուջեն, ինչի արդյունքում ամեն տարի միլիոններ են դուրս գրում նոր տոնական զարդարանքի համար։ Այս մասին Ֆեյսբուքի իր էջում գրել է ակտիվիստ Արթուր Չախոյանը։

«Այս տարի նոյեմբերի 17-ին «Մայր Հայաստան» խմբակցության ավագանու անդամ Մեսրոպ Մանուկյանի հետ այցելել էի Մալաթիա-Սեբաստիա վարչական շրջանում չգործող Վերոնիկա մանկապարտեզ, որտեղ ականատես եղանք քաղաքապետարանի փնթի կառավարմանը:

Հերոս հարկատուների գումարներով ձեռք բերված թանկարժեք տոնական զարդարանքը բաց երկնքի արևի, անձրևի, ձյան տակ փչանում է. ամեն տարի միլիոնավոր դրամներ են դուրս գրում տոնական զարդարանքի համար։

Ուրեմն, քանի որ վերջին ժամանակահատվածում ծանրաբեռնված էի դատական նիստերով, նոյեմբերի 17- ին նկարահանած տեսանյութը չեմ հրապարակել, բայց, ի ուրախություն մեզ բոլորիս, «Մայր Հայաստան» խմբակցության անդամներ Մեսրոպ Մանուկյանը և Գևորգ Ստեփանյանը հանրայնացնում են վերոնշյալ Վերոնիկա մանկապարտեզում տիրող խայտառակությունը, և համացանցում մեծ աղմուկ է բարձրանում, ինչի արդյունքում Հանրապետություն կուսակցության Մալաթիա-Սեբաստիա վարչական շրջանի ղեկավարը Oragir.News-ի հարցազրուցում հայտնել էր, որ «Մենք ավագանու անդամների՝ «Վերոնիկայի» տարածք գնալու ՆԱԽՈՐԴ ՕՐԸ Մալաթիա-Սեբաստիա վարչական շրջանի տոնածառի լույսերի միացման արարողությունն ենք արել» սակայն դա իրականությանը չի համապատասխանում, քանի որ տեսանյութը նկարահանել եմ նոյեմբերի 17-ին, որտեղ շատ հստակ ցույց եմ տալիս, որ տոնական զարդարանքը բաց երկնքի տակ փչանում է:

Իսկ «Մայր Հայաստան» խմբակցության անդամներ Մեսրոպ Մանուկյանը և Գևորգ Ստեփանյանը դեկտեմբերի 18-ին են հրապարակել վերոնշյալ խայտառակությունը։

Ասածս այն է, որ Հանրապետություն կուսակցության Մալաթիա-Սեբաստիա վարչական շրջանի ղեկավարը հերթական անգամ ֆեյք կռուտիտ պատմություն է հորինել, որ իր անպատասխանատու ձախողված կառավարումը հերթական անգամ քննարկման առարկա չդառնա, ինչպես որ անցած տարի ինձ զրպարտեց տեռասային փայտե նստարանների վերաբերյալ, իբրև թե ինձ դատի է տալու կոռուպցիան հանրայնացնելու համար։

Անցել է մեկ տարի, և ոչ մի դատական հայց չեմ ստացել))))

Բացի այդ Երևանի քաղաքապետարանի գործակարգավարական նիստի ժամանակ զեկուցեցին, որ ես ճիշտ էի, այդ նստարանները չեն համապատասխանել տեխնիկական բնութագրին»,– գրել է նա։

https://www.facebook.com/watch/?v=1337655687373961&t=0