Ամերիկյան ՀՕՊ-ը «Օրեշնիկը» խոցելու հնարավորություն չունի. Պուտին
«Օրեշնիկ» հիպերձայնային հրթիռը ժամանակակից նոր զինատեսակ է, և ամերիկյան հակաօդային պաշտպանության համակարգերն այն խոցելու հնարավորություն չունեն։ Այս մասին ասուլիսի ժամանակ ասել է ՌԴ նախագահ Վլադիմիր Պուտինը։ Նա այսպես է մեկնաբանել որոշ արևմտյան փորձագետների պնդումները, թե սա հին խորհրդային զենքի մոդիֆիկացում է։
Պուտինի խոսքով՝ դրանք ժամանակակից և արդյունավետ համակարգեր են, որոնք կարող են հաղթահարել պոտենցիալ հակառակորդի հակաօդային և հակահրթիռային պաշտպանությունը։ Մասնավորապես, եթե վերցնենք Ռումինիայում և Լեհաստանում ամերիկացիների կողմից տեղակայված հակահրթիռային պաշտպանության համակարգերը, այդ հրթիռների որսալու առավելագույն հեռահարությունը 1000 կմ է, իսկ բարձրությունը՝ 500 կմ։ Խոսքը, մասնավորապես, Լեհաստանում տեղակայված համակարգերի մասին է։ Սակայն «Օրեշնիկի» տիրույթն ավելի մեծ է։ Իսկ եթե այն տեղադրվի կասեցման գոտուց 2000 կմ հեռավորության վրա, Լեհաստանում հակահրթիռային համակարգերը պարզապես չեն հասնի դրանց։
Հետևեք մեզ Viber-ում
