Սուտ է, որ տրանսպորտը դառնում է 300 դրամ․ Ավինյանը՝ Մարությանին
«Ես պնդում եմ, որ հարյուր դրամով հնարավոր է ունենալ որակյալ ավտոբուսային ու առհասարակ տրանսպորտային համակարգ: Այսօր իշխանությունները պնդում են, որ դա հնարավոր չէ անել, որովհետև իրենք ուղղակի չեն կարող ճիշտ կառավարել»,- Factor TV-ի տաղավարում Երևանի ներկայիս քաղաքապետ Տիգրան Ավինյանի հետ բանավեճի ժամանակ ասաց նախկին քաղաքապետ, «Նոր ուժ» կուսակցության նախագահ Հայկ Մարությանը։
Նա շեշտեց, որ կարմիր գծերի հետ կապված բարեփոխումը ևս չաշխատեց, փաստացի, չնայած վճարի ավելացմանը, խցանումները Երևանում չնվազեցին։
«Մեքենաները այսօր կանգնում են մարդկանց բակերում։ Կենտրոնի բնակիչները ուղղակի ցայտնոտի մեջ են, կոլապս է բակերում, չեն կարողանում իրենց մեքենաները կանգնեցնել։ Սա ցույց է տալիս, որ գործող իշխանությւոնը չգտիտի, թե ինչ է անում։ Իր որոշումները կայացնում է առանց որևէ հաշվարկի»,-ասաց նա։
Ի պատասխան՝ Ավինյանն ասաց․ «Ես ուզում եմ հստակ տեղեկացնել, սուտ ու մոլորեցում է, որ տրանսպորտը դառնում է 300 դրամ: Բոլոր այն մարդիկ, որոնք այս ստին ու մոլորեցմանը տրվել են, կարիք ունեին բացատրության քաղաքապետի կողմից, և ես կբացատրեմ բանավեճի ընթացքում մանրամասն»։
Հետևեք մեզ Viber-ում
