Աննա Հակոբյանի վերջին հանդիպման մասնակիցը Վահե Հակոբյանին ակրոստիքոս էր ձոնում. Վազգեն Սաղաթելյան

Աննա Հակոբյանի վերջին հանդիպման ֆոտոշարքն էի նայում, մեկ էլ տեսնեմ էս պերսոնաժն ա նստած: Այս մասին իր էջում գրել է «Իմնեմնիմի» փոդքասթի վարողներից Վազգեն Սաղաթելյանը:

Նա, մասնավորապես, նշել է. «Մի անգամ մի 5 տարի առաջ պատմել եմ սրա մասին: Անունն Արսեն ա (ազգանունը չեմ հիշի արդեն): Ուրեմն սա Սյունիքի մարզպետարանում էր աշխատում իբրև զորահավաքային նախապատրաստության բաժնի պետ (հավանաբար մինչ այժմ էլ այդ գործին է): Երբ նոր էինք գնացել Սյունիք աշխատելու, մարզպետարանի աշխատակիցներից շատերը ամեն հնարավոր կերպ փորձում էին օճառի ոչ ամենաուղիղ կիրառմամբ խծկվել նոր պաշտոնյաների համապատասխան տեղում, բայց Արսենն այդ գործում անգերազանցելի էր: Ուրեմն առաջին իսկ օրը գալիս է մոտս ու բերում հետը սեփական մտքի թռիչքը հանդիսացող մի ստեղծագորոծություն՝ ակրոստիքոս, Վահե Հակոբյանի պատվին:

Կարդում եմ ու ծիծաղս մի կերպ զսպում, նույնիսկ չեմ փոխանցում մարզպետին, քանի որ լրիվ ֆեյսփալմ էր: Որոշ ժամանակ հետո սա որոշում ա մեկ այլ աքրոստիկոս ձոնել խորհրդականներից մեկին, նույն ճոռո, պաթոսային բառակազմով: Զգացի, որ կամաց-կամաց իմ կողմերն ա գալիս, կանչեցի, ասեցի ախպերական թարգի, հավատում եմ, որ պաշտում ես մարզպետին ու իր շուրջը եղած ցանկացած մեկին, բայց պետք չի էլի, թող հանգիստ ապրենք:

Իշխանափոխությունից օրեր անց մարզպետարանից միակն էր, որ ատելությամբ լի գրառում արեց մարզպետի ու մեր բոլորիս մասին, ցավոք, ոչ ակրոստիքոսի ձևաչափով:

Երևի հատկանշական ա, որ սրա պես անսկզբունքային կենդանին այդ թվում պիտի լինի սույն տիկնոջ նախաձեռնած՝ կրթվելու թրենդայնացման միջոցառմանը: Նմանը ձգում է նմանին: Վստահ եմ, արդեն ողջ ՔՊ-ին աքրոստիկոսներ ա ձոնել ու նույնն անելու ա հաջորդ իշխանությանը, եթե այդքան ապրի:

Իսկ կրթությունը զուտ տեղեկության մեխանիկական փոխանցումը չէ մեկից մյուսը, դա նաև արժեհամակարգի ձևավորում ա ու ի՞նչ արժեհամակարգ պիտի ձևավորի սրա տեսակը, կամ առհասարակ հավաքվածների ճնշող մեծամասնությունը: 0 արժեք, 0 սկբունք, որտեղ հաց՝ այնտեղ կաց, էս ա ձեր տեսակը, ձեր գոյատևման իմաստն ու միակ միջոցը...»։