Մենք հավատարիմ ենք «Հըզբոլլահ»-ի վերազինումը կանխելուն. Նեթանյահուն
Իսրայելի վարչապետ Բենիամին Նեթանյահուն խոսել է ԱՄՆ նորընտիր նախագահ Դոնալդ Թրամփի հետ Իսրայելի վճռականության մասին՝ «շարունակելու գործել Իրանի և նրա զինված համախոհների դեմ, երբ նրանք փորձեն վնասել հրեական պետությանը»:
«Մենք հավատարիմ ենք «Հըզբոլլահ»-ի վերազինումը կանխելուն: Սա մշտական փորձություն է Իսրայելի համար, մենք պետք է դիմագրավենք դրան»: Նա հավելել է, որ միանշանակ զգուշացրել է «Հըզբոլլահ»-ին և Իրանին՝ որ Իսրայելին չվնասելու համար կշարունակենք գործել նրանց դեմ այնքան ժամանակ, որքան անհրաժեշտ է, ցանկացած ասպարեզում, ցանկացած պահի:
Նրա խոսքով՝ Իսրայելը հարձակվել է նաև «Հըզբոլլահ»-ի զենքի մատակարարման ուղիների վրա։
«Սիրիան այլևս նույն Սիրիան չէ. Լիբանանը նույն Լիբանանը չէ, Գազան նույն Գազան չէ, իսկ Առանցքի առաջնորդը՝ Իրանը, նույն Իրանը չէ»,- հավելել է Իսրայելի վարչապետը։
Հետևեք մեզ Viber-ում
