Պաշտպանության նախարարությունը զիջումների գնաց
«Ժողովուրդ» օրաթերթը գրում է. «27 տարին լրացած քաղաքացիների համար օրենսդրությամբ սահմանված փոխհատուցման գումարի չափի կտրուկ մեծացման շուրջ բարձրացված աղմուկից և քննադատությունից հետո պաշտպանության նախարարությունը նահանջել է և որոշել իջեցնել շեմը: «Ժողովուրդ» օրաթերթը տեղեկացրել էր, որ ՊՆ-ն ԱԺ ներկայացված օրինագծով առաջարկում էր յուրաքանչյուր բաց թողնված զորակոչի դիմաց տուգանքը սահմանել 500 հազար դրամ, ինչը քննադատվել էր անգամ ՀՀԿ-ականների կողմից: Եվ ահա, պաշտպանության նախարար Վիգեն Սարգսյանի դեմ առկա դժգոհությունը ևս մեկով չավելացնելու ու առկա դժգոհությունը մեղմելու համար պաշտպանության նախարարությունը, քննարկելով հարցը «Սահմանված կարգի խախտմամբ պարտադիր զինվորական ծառայություն չանցած քաղաքացիների մասին» օրենքում փոփոխություններ նախաձեռնած պատգամավորների հետ, որոշել է յուրաքանչյուր բաց թողնված զորակոչի դիմաց սահմանել 200 հազար դրամ տուգանք՝ նախկին 30 հազար դրամի փոխարեն: Նկատենք, որ սա ևս մեծ թիվ է, ու, հավանաբար, շատ քչերը կփորձեն օգտվել հնարավորությունից»: Ամբողջությամբ կարող եք կարդալ «Ժողովուրդ» օրաթերթի այսօրվա համարում։
Հետևեք մեզ Viber-ում
