Թբիլիսիում հերթական բողոքի ակցիան է ընթանում․ ուժայիններն արդեն հավաքվել են շենքի մոտ

Թբիլիսիում Վրաստանի խորհրդարանի մոտ տեղի է ունենում ընդդիմության բողոքի նոր ակցիա, ուժայիններն արդեն հավաքվել են շենքի մոտ, հաղորդում է ՌԻԱ Նովոստիի թղթակիցը:

Խորհրդարանի կողային փողոցներում կանգնած են ոստիկանության աշխատակիցները, շենքի արտաքին պատին, որտեղ նախորդ օրերին ցուցարարները բարձրացել էին կամ ուր ճայթռուկներ էին նետում, արդեն բարձրացել են հատուկջոկատայինները: Ակցիայի անցկացման վայրի մոտ արդեն կենտրոնացվել է ցուցարարներին ցրելու համար օգտագործվող ոստիկանական հատուկ տեխնիկան, ներառյալ ջրցան մեքենաները: