Ո՞ւր է այն քաղաքապետը, որ փողոցից իշխանության է եկել. ԱԺ պատգամավոր
Աշխատանքային պայմանագրի գրեթե բոլոր կետերը խախտված են, այդպես են ասում բազմաթիվ վարորդներ: Այս մասին, այսօր՝ դեկտեմբերի 3-ին, «Երեւան ավտոբուսին» պարկում բողոքի ակցիայի ժամանակ նշեց ԱԺ «Հայաստան» խմբակցության պատգամավոր Թադեւոս Ավետիսյանը:
«Ինձ զայրացրեց այն, որ մի պաշտոնատար անձ, որի ազգանունը Սուքիասյան է, առավոտյան փոխանակ մոտենա, վարորդների խնդրին լուծում տա, վարորդներին հայհոյանքով է լուծել: Էդ ո՞վ է իր թեւերի տակ ձմերուկ դրել, որ կարող է հայհոյել կամ ասել՝ աշխատում ես՝ աշխատի, չես աշխատում՝ գնա, դու աշխատանքից ազատված ես: Սա համայնքային հիմնարկ է, իրենց հոր տնից չեն բերել այս ավտոբուսները:
Ո՞ւր է այն քաղաքապետը, որ փողոցից իշխանության է եկել»,-ասաց նա:
Հետևեք մեզ Viber-ում
