Հ1, ԵՊՀ, «Ֆեյքերի ՊՈԱԿ»․ հեղափոխական նախարարի կինը 3 տեղից բարձր աշխատավարձ է ստանում
2018 թվականին Նիկոլ Փաշինյանի հետ Գյումրիից քայլելով Երևան հասած և իրար հետևից բարձր պաշտոններ զբաղեցնող Մխիթար Հայրապետյանի կինը՝ Լուսին Վանա Կարապետ Ավետիսին հետ չի մնում ամուսնուց, նա միաժամանակ 3 տեղ է աշխատում։
2023 թվականին աշխատել է Կառավարության «Հանրային կապերի և տեղեկատվության կենտրոն» ՊՈԱԿ-ում, որը հանրությանն առավել հայտնի է «Ֆեյքերի ՊՈԱԿ» անունով, Երևանի պետական համալսարանում, ինչպես նաև՝ Հանրային հեռուստաընկերությունում։
Նրա տարեկան եկամուտները կազմել են 6․848․714 դրամ, որից 4․204․596 դրամը՝ «Հանրային կապերի և տեղեկատվության կենտրոն» ՊՈԱԿ-ից, 175․118 դրամը՝ ԵՊՀ-ից, 2․469․000 դրամը՝ Հանրային հեռուստաընկերությունից ստացած աշխատավարձն է։
Նշենք, որ Մխիթար Հայրապետյանը 2018 թվականից մինչ օրս բազմաթիվ պաշտոններ է զբաղեցրել։ 2018-ի իշխանափոխությունից հետո մինչև 2019-ի հունվարի 14-ը զբաղեցրել է Սփյուռքի նախարարի պաշտոնը, 2019-ի հունվարից մինչև 2021-ի օգոստոսի 1-ը եղել է ԱԺ պատգամավոր, 2021-ի սետպեմբերի 28-ից ընտրվել է «Իմ քայլը» բարեգործական հիմնադրամի գործադիր տնօրեն, իսկ 2023-ի դեկտեմբերի 29-ին նշանակվել է ԲՏԱ նախարար։
Մխիթար Հայրապետյանի եկամուտները կազմել են 20․485․530 դրամ, որից 17․621․661 դրամն «Իմ քայլը» բարեգործական հիմնադրամից, 34․900 դրամը ԲՏԱ նախարարությունից ստացած աշխատավարձն է, ևս 2․828․969 դրամ նա հայտարարագրել է որպես այլ եկամուտ՝ ՀՀ Պետական եկամուտների կոմիտեից։
Ամուսինների տարեկան եկամուտները միասին կազմել է 27 միլիոն դրամ։
Թե ինչպես է նախարարի կինը միաժամանակ մի քանի բարձր վարձատրվող աշխատանք կատարում՝ առանց մեկնաբանության։
Մի բան հստակ է, որ Հայաստանում շարունակովում է ԽԾԲ (խնամի, ծանոթ, բարեկամ) սկզբունքով աշխատանքների տեղավորվելու ավանդույթը, ինչի դեմ Փաշինյանն, իբր՝ պայքարում էր։
Հետևեք մեզ Viber-ում
