Վրաստանում հայտնել են՝ երբ տեղի կունենան նախագահական ընտրությունները

Վրաստանում նախագահական ընտրությունների օրը հայտնի կդառնա վաղը՝ նոյեմբերի 26-ին։ Այս մասին հայտարարել է խորհրդարանի նախագահ Շալվա Պապուաշվիլին: Նա նշել է, որ իշխող կուսակցությունը կարևոր է համարում մինչև տարեվերջ նախագահի նշանակումը։ Այս մասին հաղորդում է Ekhokavkaza-ն, փոխանցում է Euromedia24-ը։

«Կան որոշ հանգամանքներ, որոնք կարևոր է հաշվի առնել։ Մենք պետք է նախագահ ընտրենք 5 տարի ժամկետով։ Ուստի կարևոր է, որ ընտրություններն ու երդմնակալությունը տեղի ունենան այս տարի։ Ըստ այդմ, մենք վաղը կհայտարարենք այդ ամսաթիվը»,- ասել է Պապուաշվիլին։

Ավելի վաղ ենթադրվում էր, որ նախագահական ընտրությունները տեղի կունենան 2025 թվականի հունվարի սկզբին։ Թեկնածուի անունը, որին այս պաշտոնում մտադիր է առաջադրել «Վրացական երազանքը», դեռևս հայտնի չէ։