Փաշինյանն՝ աղմկահարույց պաշտոնանկությունների մասին
Վարչապետ Նիկոլ Փաշինյանը Հանրային հեռուստաընկերությանը տված հարցազրույցում անդրադարձել է վերջերս տեղի ունեցած աղմկահարույց պաշտոնանկություններին։
«Կադրային փոփոխությունները կապված են այն թեմաների հետ, որոնք, այսպես թե այնպես, հրապարակայնորեն քննարկվում են։ Տվյալ շրջանի պաշտոնանություններն անձնավորված չեն, այլ կապված են համակարգերի հետ։ Բայց ուզում եմ ասել, որ այդ կադրային փոփոխություններն իրենց բնույթով ոչ թե կոնֆլիկտային են, այլ աշխատանքային։ Մեր բոլոր գործընկերների աշխատանքը ես գնահատում եմ և բոլոր այդ մարդիկ իրենց շատ էական ներդրումն են ունեցել համակարգերի զարգացման գործում։ Բայց ակնհայտ է, որ այն ուղղություններում, որտեղ տեղի են ունեցել իրադարձությունները, որոշակի հարցեր կան, որոնք կամ 2018-ից են բարձրացվել, դրանից առաջ, դրանից հետո, մինչեւ օրս էլ։ Այդ հարցերն ավելի արդյունավետ հասցեագրման անհրաժեշտություն ունեն»,– նշել է նա։
Փաշինյանի խոսքով՝ պաշտոնանկ արված բոլոր պաշտոնյաներն իրենց պաշտոններում արել են համակարգային փոփոխություններ։
Հետևեք մեզ Viber-ում
