Գարո Փայլանը երազում է վայելել կյանքը Բաքվում, իսկ ադրբեջանցիներն իրենց ամառային հանգիստն անցկացնեն Սևանա լճում

Թուրքիայի խորհրդարանի հայազգի նախկին պատգամավոր Գարո Փայլանն օրերս առցանց քննարկումներից մեկի ժամանակ աղմկահարույց հայտարարություններ է արել, որը տարածում է գտել համացանցում, մասնավորապես Ինստագրամում։

Փայլանը նշել է․ «Ես չեմ պատրաստվում աշխատել միայն հայերի համար, պատրաստվում եմ աշխատել թուրքերի, քրդերի, ադրբեջանցիների և հայերի համար, նրանք իմ եղբայրներն են։ Մենք պետք է միասին գոյակցենք։

Իմ երազանքն է այցելել Շուշի, միասին խմել հայկական կամ ադրբեջանական կոնյակ, վայելել կյանքը Բաքվում, իսկ ադրբեջանցիներն իրենց ամառային հանգիստն անցկացնեն Սևանա լճում»։