Պուտինը հաստատել է միջուկային նորացված դոկտրինը

ՌԴ նախագահ Վլադիմիր Պուտինը հաստատել է միջուկային զսպման ոլորտում պետական քաղաքականության հիմունքները։ Նախագահի հրամանագիրը և բուն փաստաթղթի տեքստը տեղադրվել են իրավական ակտերի պաշտոնական հրապարակման կայքում՝ հայտնում է Риа Новости-ն:

Երկրի ղեկավարը միջուկային դոկտրինում փոփոխություններ է առաջարկել սեպտեմբերի 25-ին։

Դոկտրինի թարմացված տարբերակն ընդլայնում է պետությունների և ռազմական դաշինքների կատեգորիան, որոնց դեմ իրականացվում է միջուկային զսպում։ Բացի այդ, փոխվել են այն հիմքերը, որոնց հիման վրա Մոսկվան կհամարի՝ հարձակում է կատարվել։ Սա իր հերթին հիմք կտա Կրեմլին միջուկային պատասխան սկսելու համար։

Փաստաթղթում, մասնավորապես ասվում է ասվում է.

.Ռուսաստանի և նրա դաշնակիցների դեմ ագրեսիայից պոտենցիալ թշնամուն զսպելը կառավարության ամենաբարձր առաջնահերթություններից է.

.Ռուսաստանը կարող է միջուկային զենք կիրառել իր կամ Բելառուսի դեմ ագրեսիայի դեպքում, եթե ստեղծվի տարածքային ամբողջականության համար կրիտիկական սպառնալիք.

.Ռազմական կոալիցիայի ցանկացած պետության ագրեսիան Ռուսաստանի կամ նրա դաշնակիցների դեմ համարվում է որպես ամբողջ կոալիցիայի ագրեսիա.

.Ռուսաստանի կամ նրա դաշնակիցների դեմ ագրեսիան ոչ միջուկային պետության կողմից միջուկայինի աջակցությամբ համարվում է համատեղ հարձակում.

.Ռուսաստանը իրեն իրավունք է վերապահում օգտագործել միջուկային զենք՝ ի պատասխան իր կամ դաշնակիցների դեմ զանգվածային ոչնչացման զենքի կիրառման.

.Ռուսաստանը միջուկային զսպում է իրականացնում պոտենցիալ հակառակորդի դեմ՝ պետությունների, ճակատների և դաշինքների, որոնք Ռուսաստանին համարում են հակառակորդ.

Փաստաթուղթը նաև բացահայտում է միջուկային զսպման էությունը.

Միջուկային զսպման նպատակն է երաշխավորել, որ պոտենցիալ հակառակորդը հասկանա Ռուսաստանի դեմ ագրեսիայի դեպքում պատասխան գործողությունների անխուսափելիությունը.

Ռազմական հակամարտությունների ժամանակ միջուկային զսպման ոլորտում պետական քաղաքականությունը երաշխավորում է ռազմական գործողությունների դադարեցումը Ռուսաստանի համար ընդունելի պայմաններով.

Հակառակորդի կողմից հակահրթիռային պաշտպանության համակարգերի տեղակայումը տիեզերքում վտանգ է, որը պետք է չեզոքացվի միջուկային զսպման միջոցով.