Սասուն Խաչատրյանի դուստրը նշանակվել է նոտար

Հակակոռուպցիոն կոմիտեի արդեն նախկին նախագահ Սասուն Խաչատրյանի դուստրը, մեր ունեցած տեղեկություններով նշանակվել է նոտար:

Հիշեցնենք, որ  Նիկոլ Փաշինյանի պաշտոնանկությունների շղթան Սասուն Խաչատրյանի կողքով չանցավ. նա երեկ հրաժարական տվեց:

Հիշեցնենք, որ անցած տարի PORSCHE մակնիշի ավտոմեքենա է գնել։ Կոռուպցիայի կանխարգելման հանձնաժողով Խաչատրյանի ներկայացրած 2023 թ-ի գույքի և եկամուտների հայտարարագրից տեղեկանում ենք, որ 2012 թ-ի արտադրության ավտոմեքենայի համար կոմիտեի նախագահը վճարել է 8 մլն դրամ։ Խաչատրյանը հայտարարագրել է Քանաքեռ-Զեյթունում 2 բնակարան, 1 ոչ բնակելի տարածք և 1 հողամաս։ Երևանի Կենտրոնում կառուցվող «Բյուրեղ» թաղամասում բնակարանի ձեռքբերման նպատակով Խաչատրյանն անցած տարի «Ջերմուկ Գրուպ» ՓԲԸ-ին տված փոխառությունն ավելացրել է 21 մլն դրամով, այսինքն՝ գումարի չափն ընդհանուր 28․1 մլն դրամ է։ Տարեվերջի դրությամբ նրա բանկային հաշիվներին եղել է 176 եվրո և 2․1 մլն դրամ, կանխիկ ունեցել է 20․1 մլն դրամ։ Սասուն Խաչատրյանի եկամուտը հիմնականում Հակակոռուպցիոն կոմիտեից ստացած աշխատավարձն է՝ 28․5 մլն դրամ, ևս 881 հազար դրամ ստացել է ՊԵԿ-ից՝ հիփոթեքի եկամտահարկի վերադարձ։ Նրա հիփոթեքային վարկի մայր գումարի մնացորդը տարեվերջին կազմել է 11․1 մլն դրամ, վարկի մարմանն ուղղել է 3․7 մլն դրամ։ Տարվա ընթացքում Ս․ Խաչատրյանը հանգստի համար ծախսել է 4․6 մլն դրամ։ Հակակոռուպցիոն կոմիտեի նախագահի կինը և դուստրը՝ Լիլիթ և Տաթևիկ Խաչատրյանները 2023 թ-ի հայտարարագրերը դեռ չեն ներկայացրել։