Թուրք պաշտոնյաները օֆշորային սկանդալի կենտրոնում.ով ինչքան գումար ունի
«Օֆշորային ընկերություններում գումարներ ներդրած թուրք պաշտոնյաների ու նրանց ընտանիքների անդամների հարցն կտեղափոխենք երկրի խորհրդարան և կպահանջենք հատուկ հետաքննություն անցկացնել:Հիմա կուսակցական ընկերներս հետաքննություն անցկացնելու առաջարկ են ներկայացնելու խորհրդարան՝ պարզելու, թե օֆշորային գոտիներում ով որքան գումար և ընկերություն ունի: Հույս ունեմ, որ վարչապետ Բինալի Յըլդըրըմն իսկապես իր խոսքի տերը կլինի: Այդպիսով՝ մենք կբացահայտենք մեր տնտեսության պատմության ամենամութ էջը», - «Ջումհուրիյեթ» պարբերականի փոխանցմամբ հայտարարել է Թուրքիայի գլխավոր ընդդիմադիր ուժը համարվող Ժողովրդահանրապետական կուսակցության նախագահ Քեմալ Քըլըչդարօղլուն: Թուրքիայի ընդդիմության առաջնորդը նաև շնորհակալություն է հայտնել Լրագրողական հետաքննությունների միջազգային կոնսորցիումին ՝ նման բացահայտումները հրապարակելու համար: Հիշեցնենք, որ ըստ ICIJ-ի հրապարակած Paradise Papers զեկույցի՝ Թուրքիայի վարչապետի որդիներ Էքրամ և Բյուլենթ Յըլդըրըմները բավականին մեծ գումարներ են ներդրել Մալթայում գտնվող նավաշինական օֆշորային ընկերություններում: Օֆշորային սկանդալի կենտրոնում են ոչ միայն վարչապետի որդիները, այլ նաև նախագահ Ռեջեփ Թայիփ Էրդողանի փեսայի՝ Բերաաթ Ալբայրաքի եղբայրը:
Հետևեք մեզ Viber-ում
