Այսօր Փաշինյանը մեկնարկեց Ալիևի հաջորդ՝ Հայաստանի լրիվ ապառազմականացման պահանջի կատարումը․ Րաֆֆի Ասլանյան

Երևանի նախկին դատախազ, փաստաբան Րաֆֆի Ասլանյանը Ֆեյսբուքի իր էջում անդրադարձել է վարչապետ Նիկոլ Փաշինյանի այն հայտարարությանը, թե պետք է «դադարեցնել բանակի սրբագործումը»։

«ՀՀ ԱԺ-ում այսօր Նիկոլ Փաշինյանը մեկնարկեց Իլհամ Ալիևի հաջորդ՝ Հայաստանի լրիվ ապառազմականացման պահանջի կատարումը՝ հայտարարելով, որ խորհուրդ է տալիս դադարեցնել բանակի սրբագործումը։ Այսպիսի հայտարարությունից հետո ո՞վ կցանկանա իր երեխային բանակ ուղարկել՝ առանց այդ էլ նման ուրացող, թույլ գերագույն հրամանատարի ղեկավարման ներքո կամ պատկերացնու՞մ եք այդպիսի հայտարարությունից հետո այս պահին մարտական հերթապահություն իրականացնող զինծառայողի հոգեվիճակը։ Եվ դեռ երբեմն փորձում ենք չհավատալ, որ այս տարիների ընթացքում բանակի կազմաքանդումը նա դիտավորյալ է անում…»,– գրել է Ասլանյանը ։