«Երևան սիթիի» 10-ամյակը՝ «Փարվանա»-ում. Ում են հրավիրել և ինչպես են քեֆ արել տեր և տիկին Ալեքսանյանները

«Իրատես» թերթը գրում է. «Նախօրեին «Փարվանա» ռեստորանային համալիրում կնոջ «հաշվին» ապրող ԱԺ պատգամավոր Սամվել Ալեքսանյանը «Երևան սիթիի» տասնամյակի առթիվ սեփական աշխատողներին քեֆի էր հրավիրել: Սակայն, որքան հարստանում է օլիգարխը, այնքան ավելի հաշվենկատ է դառնում: Նա խնջույքի էր հրավիրել միայն չորս տարի իր սուպերմարկետներում տքնած աշխատակիցներին, մնացածը, փաստորեն, դեռ տքնելու տեղ ունեն: Ականատեսները պատմում են, որ ամենաուրախը եղել է տիկին Շողերինան` Ալեքսանյանի կինը: Աշխատակիցների հետ նա «մեյդանից» դուրս չի եկել: «Կերեք, կերեք, մեկ է, վաղն էնքան է աշխատեցնելու,  քթներիցս բերելու է»,- միմյանց ասել են աշխատողները և լիաթոք քեֆ արել: Իսկ մինչ այդ ավելի զավեշտալի է եղել իրավիճակը սուպերմարկետներում: Ամեն տասներորդ հաղթող հաճախորդին այնպես են «վրա տվել» ու շնորհավորել, որ և՛ հաղթողը, և՛ նրա կողքինները շփոթմունքից իրենց կորցրել են, մեկն էլ նույնիսկ ձեռքի տոպրակներն է վայր գցել: «Էշերի քարավանով վիսկի տեղափոխող», բայց «անասունների հետ գործ չունեցող», 500 եվրոյով հարցազրույց տվող (ամեն ինչի գինը բարձրացրել է, տեսնես, իր «խոսքի» գի՞նն ինչու չի փոխել) Սամվել Ալեքսանյանը, փաստորեն, զվարճանալիս էլ է շատ «բացառիկ»` համ վախեցնում է, համ ուրախացնում»:   Առավել մանրամասն՝ թերթի այսօրվա համարում: