Վրաստանի կառավարությունը միանշանակ եվրոպամետ է. Կոբախիձե
Վրաստանի կառավարությունը միանշանակ եվրոպամետ է: Այս մասին իտալական Sky հեռուստաալիքի հետ զրույցում ասել է Վրաստանի վարչապետ Իրակլի Կոբախիձեն: «Այստեղ մեզ համար ընտրության հարց չկա, քանի որ Վրաստանի Սահմանադրությունը որպես երկրի արտաքին քաղաքականության գերակայություն սահմանում է, որ յուրաքանչյուր կառավարություն պետք է բոլոր ջանքերը գործադրի Վրաստանի եվրաինտեգրմանը նպաստելու համար։ Իշխանությունն ակնհայտորեն եվրոպամետ է»,- ասել է նա։
Ինչ վերաբերում է երկրի արտաքին քաղաքական ուղղությունը փոխելու վերաբերյալ քննադատություններին, ապա Կոբախիձեն նշել է, որ դիվանագիտական հարաբերությունների բացակայության պայմաններում Թբիլիսին ու Մոսկվան ունեն հումանիտար բնույթի հարաբերություններ, ինչպես նաև առևտրատնտեսական ոլորտում։
«Մենք դիվանագիտական հարաբերություններ չունենք Ռուսաստանի Դաշնության հետ, քանի որ մեր տարածքի 20 տոկոսն օկուպացված է Ռուսաստանի Դաշնության կողմից»,- ընդգծել է Կոբախիձեն։
Աղբյուր` Փաստինֆո
Հետևեք մեզ Viber-ում
