Ընտրական օրենսգրքում առաջարկվող փոփոխություններով՝ իշխանությունները ցանկացած պահի կարող են արտակարգ դրություն հայտարարել և ընտրություններն անվավեր համարեն. Կարապետյան
ՀՀ ԱԳՆ-ն հայտարարեց, որ COP29-ին մասնակցելու պաշտոնական որոշում չկա և տպավորություն է, որ փոխադարձ կոմպրոմիս են ակնկալում, ըստ որի հայկական կողմը պետք է ընդունի հրավերը։ Եթե հրավերը մերժվի, ապա շահարկման այլ աղբյուրներ ի հայտ կգան։ Գլոբալ տեսանկյունից Հայաստանի ներկայությունը Ադրբեջանի համար էական չէ։ «ՓաստԻնֆոյի» եթերում ասել է միջազգայնագետ, քաղաքական վերլուծաբան Դավիթ Կարապետյանը։
Անդադառնալով Կազանում հայ-ադրբեջանական պատվիրակությունների հանդիպմանը, բանախոսը նշեց, որ Կազանում շահարկվեց, որ, այդուհանդերձ, բանակցությունների և հայ-ադրբեջանական կոնֆլիկտի հանգուցալուծման բանալին գտնվում է Մոսկվայում։ Հենց այս հանդիպումից հետո Ի․ Ալիևը հաստատեց կանոնակարգը։ Տավուշյան դեպքերը տեղի են ունեցել, երբ կանոնակարգ չկար, ինչը հակասահմանադրական է։ Մինչ այժմ կանոնակարգի մեջ հստակեցված քարտեզ չկա։ Մ․ Գրիգորյանը բարձրաձայնում է, որ ներքին կոմպետենտությամբ պայմանավորվածություն են ձեռք բերել, որպեսզի ժողովրդին չասեն թե որտեղ է հաջորդ սահմանազատումը տեղի ունենալու։ Ցանկացած հատվածում, որ թվականի քարտեզ էլ որ մատնանշվի՝ Ադրբեջանը դրա հակառակն է ներկայացնելու։
Հայաստանի ներքաղաքական կյանքում տեղի ունեցող գործընթացների առնչությամբ միջազգայնագետը նշեց, որ ընդդիմությունը և իշխանությունը մեկ թելով թելված մարդիկ են։ Եթե ընդդիմությունը մանդատ վայր չի դնում, ուրեմն իշխանության հետ համագործակցություն կա։ Իշխանության վարկանիշը խայտառակ վիճակում է։
«Օրեր առաջ իշխանությունները առաջին լսումներով ընդունել են ընտրական օրենսգրքում փոփոխության մասին կետ, ըստ որի, իշխանությունները ցանկացած պահի կարող են արտակարգ դրություն հայտարարել և, եթե ընտրություն տեղի ունենա՝ դա համարեն անվավեր։ Եթե դա երկրորդ լսումներով հաստատվի և գնա նախագահի վավերացմանը, ապա ավտորիտար երկրի կառուցվածք են ձևավորելու»,- ասել է Դ․ Կարապետյանը։
Հետևեք մեզ Viber-ում
