ԲԱՑ ՆԱՄԱԿ` ՀՀ գլխավոր դատախազ՝ Ա. Վարդապետյանին
Կրկին անրադառնալով՝ ՀՀ դատախազությունում համազգեստի և տարբերանշանների կրման կարգը սահմանելու մասին նախկին ՀՀ գլխավոր դատախազ՝ Ա. Դավթյանի 13.04.2018 թ. թիվ 34 հրամանին ու այն ուժը կորցրած ճանաչելու հարցին, որում երկրորդ կետում նշված է, մասնավորապես՝
2. Սույն հրամանի կատարման վերահսկողությունը վերցնում եմ ինձ վրա:
Ինչպես նաև հիմք ընդունելով՝ ՀՀ գլխավոր դատախազության 2024 թ. սեպտեմբերի 19-ի թիվ 20.5/20.5/17544-2024 գրությունը, որում նշված է, որ վերոնշյալ հրամանը ուժը կորցրած ճանաչելու իրավական հիմքեր առկա չեն, ապա խնդրում եմ պարզաբանել, թե ինչպե՞ս է մինչ օրս հաջողվում նախկին գլխավոր դատախազ՝ Ա. Դավթյանի մոտ իրականացնել վերոնշյալ հրամանի պահանջների կատարումը, հատկապես պաշտոնանկից տարիներ անց և արդյո՞ք այդ գործառույթը վերջինս իրականացնում է անվճար ու մարդասիրական սկզբունքով:
Հ.Գ. Մինչ <<հեղափոխական>> ժամանակները հիմնականում միայն հանցագործություններն էին իրենց վրա վերցնում:
ՀՀ պահեստազորի զինծառայողների նախաձեռնության համակարգող՝ Էդգար Հովհաննիսյան:
17.10.2024 թ.