Գյումրիի քաղաքապետը ծանր վիճակում տեղափոխվել է Երևան

Գյումրիի քաղաքապետ Վարդգես Սամսոնյանին ծանր վիճակում 2 օր առաջ հասցրել են Երևան։

Oragir.News-ի տեղեկություններով, 2 օր առաջ քաղաքապետը իրեն վատ է զգացել, միանգամից հոսպիտալացրել են։

Oragir.News-ը փորձել է մեկնաբանություն ստանալ Գյումրիի քաղաքապետի մամուլի քարտուղար Սոնա Առաքելյանից, բայց նրա հետ կապ հաստատել հնարավոր չէ։

Գյումրիի քաղաքապետարանի մեր աղբյուրի փոխանցմամբ, վերջին շրջանում ՔՊ-ն իշխող «Բալասանյան դաշինքի» վրա սկսել է ճնշումներ գործադրելը։

Խոսքը վերաբերում է քրեական այն գործերին, որոնք հարուցվել են անցած տարվա դեկտեմբերի ընթացքում, երբ խզվեց «ՔՊ» և «Բալասնյան դաշինք» կուսակցությունների միջև կնքված 2021 թվականի հուշագիրը։

Նշենք, որ Վարդգես Սամսոնյանը Գյումրիի քաղաքապետի պաշտոնում է 2021 թ-ի նոյեմբերի 4-ից։

Լուրը հրապարակելուց հետո քաղաքապետի խոսնակը կապ հաստատեց մեզ հետ՝ չհերքելով հոսպիտալացման մասին տեղեկությունը։

«Առողջական խնդիրների պատճառով քաղաքապետը աշխատում է հեռավար»,- պարզաբանեց Գյումրիի քաղաքապետի մամուլի քարտուղարը։